Integrimi në Bashkimin Europian i Niveli Lokal Raport Historiku i PVPE-së Kosova, sikur edhe vendet e tjera të Ballkanit Perëndimor, është pjesë e procesit të integrimit Evropian që nga Samiti i Zagrebit i vitit 2000 kur edhe filloi Procesi i Stabilizim­Asociimit(PSA) për Ballkanin Perëndimor. Ky proces synon stabilizimin dhe tranzicionin e përshpejtuar të ekonomisë së tregut, promovimin e bashkëpunimit rajonal dhe perspektivën e integrimit në BE. Ky proces u konkretizua më tej në Samitin e Selanikut (qershor 2003) i cili e përfshiu edhe Kosovën në kornizën e Procesit të Stabilizim–Asociimit, kurse për Kosovën në veçanti kjo perspektivë u konkretizua më tej përmes Komunikatës së KE-së'E ardhmja evropiane për Kosovën', të datës 20 prill 2005, e cila tregon përkushtimin e Bashkimit Evropian për Kosovën. Për të jetësuar Procesin e Stabilizim-Asociimit në Ballkanin Perëndimor, përfshirë edhe Kosovën, në qershor 2004 Këshilli Evropian miratoi Partneritetin Evropian për Kosovën, si instrumentin e parë që përcakton prioritetet kryesore afatshkurtra dhe afatmesme për tu adresuar nga institucionet e Kosovës drejt arritjes së perspektivës evropiane. Me qëllim të zbatimit të këtyre prioriteteve, në janar 2004 Qeveria e Kosovës miratoi Planin e parë të Veprimit për implementimin e Partneritetit Evropian. Që nga ai vit, ky dokument kryesor strategjik i Republikës së Kosovës për integrim në BE rishikohet çdo vit dhe implementimi i prioriteteve që parasheh është baza kryesore në rrugën e Kosovës drejt Bashkimit Evropian. Që nga marsi i vitit 2003 deri në tetor të vitit 2009, instrumenti kryesor për dialog politik në mes të Qeverisë së Kosovës dhe Komisionit Evropian në kuadër të kornizës së Procesit të Stabilizim-Asociimit ka qenë“Mekanizmi i Procesit të Stabilizim-Asociimit”. Në nëntor 2009, bazuar në Komunikatën e KE-së për Këshillin dhe Parlamentin Evropian“Kosova – Përmbushja e perspektivës Evropiane” ka avancuar procesin përmes lansimit të Dialogut të Procesit të Stabilizim-Asociimit(DPSA), në kuadër të së cilit brenda një viti mbahet një Takim Plenar, tetë Takime Sektoriale(ose të Nën-komiteteve), si dhe dy takime 'horizontale': Dialogu me Shoqërinë Civile dhe Komiteti i Përbashkët Monitorues(i cili shërben për monitorimin e implementimit të asistencës së BE-së). Përveç kësaj, mes tjerash Komunikata hap rrugën për fillimin e dialogut për liberalizim të vizave, nënshkrimin e një marrëveshjeje tregtare Kosovë – BE, zgjerim të Masave të Pavarura Tregtare dhe avancime në fushën e bashkëpunimit ndërkufitar. 11