Raport Integrimi në Bashkimin Europian i Niveli Lokal Plani i Veprimit për Implementimin e Partneritetit Europian – Afrimi i Kosovës me BE-në Meqenëse Integrimi Europian mbetet prioriteti kryesor i Qeverisë së Kosovës, Plani i Veprimit i Partneritet Evropian është dokumenti kryesor afatmesëm planifikues, i cili ka për qëllim adresimin e sfidave dhe prioriteteve kyçe afatshkurta dhe afatmesme të identifikuara nga Partneriteti Evropian 2008. Përparimi i mëtutjeshëm i vendit do të matet në bazë të zbatimit të prioriteteve kyçe, afatshkurta dhe afatmesme, në kuadër të Partneritetit Europian përmes Raportit të përvitshëm të Progresit nga Komisioni Europian. Në këtë kontekst, PVPE-ja duhet të përdoret për planifikimin e veprimtarisë së përgjithshme të Qeverisë në lidhje me agjendën politike dhe prioritetet e saj, agjendën legjislative të Qeverisë dhe të Kuvendit, nevojat për punësim, ndërtimin institucional dhe trajnimin e personelit si dhe investimet e nevojshme. Gjithashtu PVPE-ja duhet të përdoret për komunikim të brendshëm të Qeverisë me qëllim të harmonizimit të objektivave, veprimeve dhe afateve brenda saj; për komunikim mes Qeverisë dhe komunitetit afarist dhe partnerëve social si mekanizëm informues dhe paralajmërues për ndryshimet që do të ndodhin dhe të cilat prekin ato; për komunikim me shoqërinë civile si bazë për ndërtimin e partneritetit; dhe për komunikim me publikun e gjerë në mënyrë që qytetarët të jenë të informuar në çdo kohë për punën e Qeverisë në procesin e integrimit europian. Plani ndjek strukturën e Partneritetit Europian për Kosovën 2008 si dhe është në pajtim me kriteret e Kopenhagës dhe Madridit dhe përmban tre kapituj kryesor: Kriteret Politike, Kriteret Ekonomike dhe Standardet Evropiane. Në secilin kapitull, varësisht nga progresi i arritur në ato fusha dhe nevojat për përmirësimin e situatës në të ardhmen, janë paraparë veprime të cilat kanë të bëjnë me sigurimin dhe përmirësimin e politikave strategjike dhe legjislacionit, respektivisht harmonizimin e mëtutjeshëm të kornizës ligjore vendore me Acquis, hartimin dhe miratimin e legjislacionit të ri të nevojshëm dhe veprime të cilat fokusohen në implementimin e legjislacionit në fuqi, reformën institucionale, zhvillimin dhe ngritjen e kapaciteteve të burimeve njerëzore, investimet kapitale, etj. PVPE 2011 ka gjithsej rreth 400 veprime, prej tyre 60 veprime janë paraparë në fushën e kritereve politike, 50 veprime në fushën e kritereve ekonomike dhe 290 për standardet 14