Integrimi në Bashkimin Europian i Niveli Lokal Raport Qëllimi i këtij projekti: Duke pasur parasysh që shumica e politik-bërësve të Kosovës të cilët i japin një prioritet arritjes dhe përmbushjes së standardeve të Bashkimit Europian dhe rrugës sa më të shpejtë të Kosovës deri tek Integrimi i Kosovës në Bashkimin Europian. Rrjeti i OJQ-ve të grave “Qeliza” kanë lansuar një kampanjë informuese për zyrtaret komunal, grupet e ndryshme të interesit dhe qytetarët, për procesin e Integrimeve Europiane dhe për fondet që Kuvendet Komunale mund të absorbojnë. Aktivitetet e këtij projekti janë të fokusuara në nevojat që komunat kanë dhe në formimin e rekomandimeve që qojnë në përmirësimin e praktikave të cilat janë në pajtim me kërkesat e Unionit Europian që janë të fokusuara për autoritetet lokale. Këto rekomandime do të përfshijnë dizajnimin e masave konkrete për përmbushjen e rekomandimeve në procesin e vendimmarrjes që do të qonte në rrugëtimin e shpejtë të Kosovës drejt integrimit europian ku do të përfitonin të gjithë qytetarët e Kosovës. Plani i Veprimit i Partneritetit Europian(PVPE) që nga fillimi ka pasur si qëllim që të krijoj struktura adekuate të cilat janë përgjegjëse për procesin e integrimit në EU. PVPE-ja i ka përafërsisht 60 veprime të cilat komunat do të duhej që ti implementojnë në bashkëpunim me institucionet apo Agjensionet Qeveritare, Ministrinë e Administrimit të Pushtetit Lokal etj. Në këto moment ekziston një nevoje që të intervenohet në fushën e integrimeve europiane dhe të punohet me afër me Komunat e Kosovës në mënyrë që ky proces të implementohet dhe punohet në bazë të afateve kohore të cilat janë të parapara nga PVPE­ja e vitit 2011. Gjithashtu ky projekt ka pasur si qëllim që të formoj një grup punues që është formuar nga përfaqësues të Kuvendeve Komunale, OJQ-ve, komunitetit, mediave, biznesit dhe ekspertëve të ndryshëm të kësaj fushe ku si qëllim kryesor në një faze të hershme është që të rritet vetëdija për procesin e Integrimeve. Objektivat e projektit: Krijimi dhe implementimi i një plani aksional lokal. Informimi dhe rritja e vetëdijes së komunitetit për procesin e integrimeve dhe në mënyrë të veçantë të kjartsohen nevojat e komunave dhe të veprimeve që duhet të ndërmarrin. Rritja e bashkëpunimit në mes të Kuvendeve Komunale, OJQ-ve, Komunitetit të biznesit, grupeve të ndryshme të interesit në rritjen e njohurive për procesin e integrimeve dhe për ngritjen e kapaciteteve. 17