Raport Integrimi në Bashkimin Europian i Niveli Lokal Monitorimi i qasjes së barabarte në shërbimet publike për të gjitha bashkësitë, duke bere ndarjen e të dhënave në lidhje shfrytëzuesit e këtyre shërbimeve, bazuar në etni, gjini, duke siguruar se shërbimet publike janë të pranishme në të gjitha gjuhët zyrtare dhe kanë qasje të barabartë në të gjitha institucionet shëndetësore dhe trajnohen njëjtë sikurse të gjithë qytetaret e Komunës së Pejës si dhe komunikimi iu ipet në gjuhën e tyre amtare. Sa i përket shërbimeve shëndetësore dhe sociale ata kanë qasje në të gjitha institucionet dhe kanë dhe trajtohen profesionalisht, kurse sa i përket strehimit ne si komunë nuk kemi mundësi ti strehojmë pasi që nuk kemi ndërtesa banimi ku mund ti strehojmë të riatdhesuarit. Në vazhdën e aktiviteteve për të ndritur vëmendjen/informimin se si ti qasen asistencës sociale veçanërisht grupet e cenuara siç janë të kthyerit dhe komuniteti jo shumice kuvendi Komunal i Pejës ka aktivitete të mjaftueshme si për komunitetin shumicë ashtu edhe për atë pakicë me qëllim të njoftimit përmes formave të ndryshme me kriteret për përfitimin e asistencës sociale. Kuvendi Komunal i Pejës ka bërë punësimin e stafit për ligjërim dhe stafit akademik për gjuhën boshnjake ku edhe vijohet mësimi, kurse ka përpjekje qe mësimi plotësues të bëhet edhe ne gjuhën rome. Klina – probleme me te rikthyerit per shkak te procedurave Gjate takimeve të cilat i kemi pasur me Zyrtaren për Integrime Komunale të Kuvendit Komunal të Klinës Znj. Have Thaqi ajo ka raportuar për përmbushjen e veprimeve të cilat kanë dalë nga PVPE-ja 2011. Rregullorja e Qeverisë së Republikës së Kosovës nr. 02/2010 është zbatuar në tërësi. Është implementuar Vendimi për riemërtimin dhe organizimin e ZKK. Në Shërbimin Civil në Komunën e Klinës janë të punësuar pesë(5) shërbyes civil nga radhët e komuniteteve pakicë. Rregullorja Komunale për Përdorimin e Gjuhëve Zyrtare në Institucione(01-07-72/07 është miratuar më 27.04.2007. Me Rregulloren Komunale, në pajtim me Ligjin për përdorimin e gjuhëve rregullohen kushtet për përdorimin e barabartë të gjuhëve dhe shkrimeve si dhe sigurohet zbatimi i barabartë i tyre në Institucionet Komunale. Për arsye të vonesave në fazën e zgjedhjeve ka ndodhur edhe vonesa në themelimin e Grupit Punues Komunal për kthim. Si pasojë e kësaj gjendjeje nuk është arritur që të punohet Strategjia Komunale për kthim për vitin 2011. Zyra për Komunitete dhe Kthim 28