Raport Integrimi në Bashkimin Europian i Niveli Lokal Përmbledhje dhe Rekomandime Ideja e këtij projekti ishte që të bënte një skanim të gjendjes aktuale në fushën e implementimit të PVPE-së në Komunat përfituese të këtij projekti dhe ti ndihmonte ato në përmbushjen e obligimeve komunale që dalin nga ky dokument. Ne se implementues të këtij projekti besojmë që këto rekomandime janë të aplikueshme dhe do të përmirësoj procesin e raportimit të PVPE-së në nivelin qendror, dhe ne gjithashtu besojmë që lidershipi komunal do ti merr parasysh rekomandimet e këtij projekti. Gjithashtu Rrjeti i OJQ-ve të Grave“Qeliza” dëshiron që ti falënderoj të gjitha ata persona të cilat kanë ndihmuar në implementimin e këtij projekti, duke filluar prej zyrtarëve komunal të komunave përfituese, pjesëtarët e Organizatave të ndryshme dhe ekspertët të cilët kanë qenë të involvuar në mënyrë direkte apo indirekte në implementimin e këtij projekti. Gjatë periudhës së raportimit për Projektin e“Integrimet e Unionit Europian në Nivelin Lokal”, ekipi monitorues ka arritur që ti nxjerr disa rekomandime dhe kërkesa të cilat zyrtarët komunal për integrime europiane i kanë paraqitur gjatë takimeve të përbashkëta të cilat i kemi pasur gjatë periudhës së raportimit. Rekomandime: • Të forcohet pozita e zyrtareve për integrime Europiane në Komuna; • Te forcohet bashkëpunimi në mes të zyrtarëve për integrime europiane dhe Drejtorëve të Drejtorive dhe Kryetarit për Raportimin sa me adekuat të arritjeve për përmbushjen e veprimeve të PVPE-së; • Të ketë punëtori të cilat do të forconin pozitën, nivelin e njohurive, dhe ngritjen e kapaciteteve për Zyrtarët Komunal për Integrime Europiane për të gjitha Komunat e Kosovës • Të ftohen Zyrtarët për Integrime Europiane në takime me Organizata/institucione Ndërkombëtare dhe të ju krijohen mundës që Zyrtarët për Integrime Europiane të jenë kontakti i parë për Organizatat/Institucionet që vijnë në komunë për të diskutuar çështje të ndryshme me interes të qytetareve/komunës • Shoqëria Civile të ketë rol më aktiv në monitorimin e implementimit të PVPE 2011 nga institucionet përgjegjëse. 34