Kufizimet e burimeve • Ndërprerjet e energjisë elektrike, të cilat pengojnë potencialet e bizneseve për të prodhuar • Mungesa e iniciativave për energji te ripërtritshme REZULTATET NGA DISKUTIMI: Diskutimi brainstorming i ka përvijuar disa nga çështjet ekonomike më urg jente në Kosovë. Si një vend me shkallën më të lartë të papunësisë dhe nivelin më të ulët të produktivitetit në Evropë, Kosova ballafaqohet me sfida të shumfishta në rrafshin e arsimit dhe integrimit të fuqisë së re punëtore në tregun e punës. Veç kësaj, Kosova e ka shkallën më të ulët të tregtisë me shtetet tjera anëtare të CEFTA-s, veçanërisht në kuptim të shkallës së eksportit. Prandaj, të frymëzuar nga treguesit kryesor për prodhimtarinë dhe punën, dikutimi i drejtuar nga pjesëmarrësit e grupit për zhvillim ekonomik dhe krijim të vendeve të punës e ka nënvizuar nevojën për një vizion ekonomik më të qartë dhe një strateg ji për trajtimin e disa mikro dhe makro problemeve dhe mundësive. Për rrjedhojë, pjesëmarrësit kanë dalë me rekomandime për një studim të mëtejm të tregut me qëllim të identifikimit të sektorëve dhe intervenimeve të cilat do të mund të përmirësonin perspektivën ekonomike të Kosovës. Kështu, duhet të ndërmerren një numër hapash konkret për të bërë një studim për vlerësimin e konkurrueshmërisë, i cili do të vlerësonte konkurrueshmërinë e nënsektorëve në Kosovë, me fokus të veçant në industritë të cilat kanë potencial për të rritur numrin e punëtorëve, shitjen, rritjen e eksportit, dhe të treguesëve tjerë. Studimi për vlerësimin e konkurrueshmërisë do të zbulonte pesë nënsektorë dhe do të identifikonte tri intervenimet kryesore të nevojshme për secilin nënsektor. 34