KONKLUZIONE DHE REKOMANDIME PËR PUNËN E MËTEJSHME Si rezultat I një procesi të gjatë konsultativ dhe reflektues mbi pakënaqësinë e shprehur të qytetarëve të Kosovës me situatën aktuale socio-ekonomike, lindi platforma Kosova që duam, e inicuar nga partnerët e shumtë të FES-it në shoqërinë civile. Synimi I kësaj platforme është që të nxisë një qytetari më aktive dhe të mirë informuar e të angazhuar politikisht në jetën publike, sidomos në sferat që prekin jetën e përditshme të qytetarëve. Platforma synon të nxisë diskutime të mirë informuara dhe të orientuara drejt aksioneve konkrete për ndryshim në këto fusha: Arsim për Punësim dhe Zhvillim; Aktivizëm Qytetar për Qeverisje të Mirë; Zhvillim Ekonomik dhe Krijim të Vendeve të Punës; Dialog Social për Punë dhe Jetë të Dinjitetshme; Shëndetësi dhe Politika të Mirëqenies Sociale; Kongresi i parë i iniciativës Kosova që duam u organizua si platformë nismëtare për të informuar partnerët për këtë iniciativë publike, reflektimin dhe të menduarit që solli deri te zhvillimi I saj dhe metodologjinë e punës në 5“dhomat paralele të të menduarit“. Në kongres u vendosën rregullat për një diskutim dhe mendim reflektiv të përbashkët të orientuar kah zgjidhjet e problemeve të identifikuara nga pjesëmarrësit. Arritja e konsesusit për prioritizimin e çështjeve në secilën prej 5 dhomave paralele është parakisht për përcaktimin e aktiviteteve të përbashkëta për të krijuar zgjidhje për problematikat e identifikuara. Vazhdimi I punës në 5 dhomat paralele të tëmenduarit do të jetë më kompleks në të ardhmen e me sfida shumë serioze. · Rezultatet në të 5 fushat duhet të integrohen dhe ndërvarësia në mes tyre të vizualizohet qartë për të ndërtuar vizionin e modelit tështetit social e të mirëqenies në Kosovë, në përputhje me standardet minimale të modelit Evropian Ekonomik e Social, të përcaktuar në detaje në Acquis communautaire. · Primesat e shtetit social duhet të kuptohen njësoj nga të gjtihë akterët-përmes analizës së problemeve, qëllimeve dhe ofrimit tëzgjidhjeve të mundshme së bashku dhe për të gjitha grupet e shoqërisë.Këto primesa duhet të komunikohen qartë në mënyrë që qytetarët ti identifikojnë lehtë dhe ti kërkojnë me ngulm nga subjektet politike që garojnë për votën e qytetarëve në proceset zgjedhore. · Zhvillimi i presionit në debatin politik dhe pubik duhet të bëhet përmes një zëri unik dhe të fuqishëm që del nga aktivitetet e përbashkëta në nivel lokal dhe nacional. · Ndryshimi i agjendës politike- vendosja e nevojave të qytetarëve dhe interest publik si prioritet · Derisa kongresi prodhoi ide dhe interesim për pjesëmarrje në këtë proces nga grupet e ndryshme të shoqërisë civile, partitë politike dhe përfaqësuesit e institucioneve të ndryshme, ky është vetëm fillimi i një rrugëtimi të gjatë drejt cakut, që është një lëvizje shoqërore active e e vetëqëndrueshme që ka informacioni të duhur, prioritizon cështjet me interes publik dhe bën presion për ndryshim-brenda dhe jashtë sistemit, me të vetmin qëllim-mbrojtjen e interesave të qytetarëvë të Kosovës. Çdo qytetar dhe organizatë e shoqërisë civile në Kosovë, që pajtohet me synimet e kësaj platforme, është i ftuar ti bashkohet asaj në cdo fazë të punës tash dhe në të ardhmen. Na duhet kontributi i secilit prej jush për të punuar së bashku për Kosovën që Duam. NE DUAM: • Sistem të kujdesit shëndetësor për të gjithë qytetarët – të përballueshëm dhe efikas. • Sistem të arsimit modern – të lidhur me botën e punës dhe zhvillimin ekonomik. • Standard minimal, por të denjë të sigurisë sociale për të gjithë qytetarët – sipas standardeve të BE-së. • Zhvillim ekonomik të qëndrueshëm – të ndërtuar nga shkathtësitë dhe ndërmarrësia • Kornizë demokratike për pjesëmarrje efektive dhe gjithëpërfshirëse të qytetarëve në nivelin qendror dhe atë lokal. 54 54