ᲛᲨᲕᲘᲓᲝᲑᲐ ᲓᲐ ᲣᲡᲐᲤᲠᲗᲮᲝᲔᲑᲐ ᲡᲝᲪᲘᲔᲢᲐᲚᲣᲠᲘ ᲣᲡᲐᲤᲠᲗᲮᲝᲔᲑᲘᲡ ᲞᲔᲠᲡᲞᲔᲥᲢᲘᲕᲔᲑᲘ ᲡᲐᲥᲐᲠᲗᲕᲔᲚᲝᲨᲘ ივანე აბრამაშვილი სექტემბერი 2022 საქართველოში უსაფრთხოების პოლი ­ტიკის დაგეგმვა და უწყებათაშორისი კოორდინაცია ხარვეზიანად მომდინა ­რეობს, რაც გამოწვეულია სახელმწიფოს მხრიდან არასისტემური მიდგომით, ერო ­ვნული კონცეპტუალური დოკუმენტების სიძველითა და ეროვნული უსაფრთხოე ­ბის საბჭოს არასათანადო პოლიტიკური და ინსტიტუტიცური მხარდაჭერით; გაუმჯობესებული რეგლამენტის მიუ ­ხედავად, საქართველოში საპარლამე ­ნტო ზედამხედველობა და კონტროლი უსაფრთხოების სექტორზე კვლავ სუსტად რჩება, რაც განპირობებულია ქართულ პოლიტიკურ სივრცეში უსაფრ ­თხოების საკითხის ნაკლებ პრიორიტე ­ტულობით, ინსტიტუციური და პოლი ­ტიკური ტრადიციების სისუსტითა და სხვადასხვა ტექნიკური მიზეზებით; საქართველოში, ბევრი სხვა პოლიტი ­კური პროცესის მსგავსად, ადგილობ ­რივი თვითმმართველობების როლი უსაფრთხოების სფეროშიც შეზღუდულია. ზოგადი სტრუქტურული ფაქტორების მიღმა, რეალურ დეცენტრალიზაციას რეგიონებზე ცენტრალური კონტროლის შესუსტების შიშიც აფერხებს, განსაკუთ ­რებით კი უსაფრთხოების სამსახურე ­ბის მხრიდან, რომლებშიც ჯერ კიდევ ძლიერია უსაფრთხოების ტრადიციული გაგება და ცენტრალიზაციის ხარისხი;