Градежно планирање и планирање на користење на земјиштето 4.1.2 Разбирање на колегите ШТО СЕ ГИ ЗАСЕГА СЕКТОРИТЕ ЗА УРБАНИ­ЗАМ ИЛИ СИТЕ ОНИЕ КОИ СЕ ЗАНИМАВААТ СО ПЛАНИРАЊЕ НА ЗЕМЈИШТЕТО И ГРАДЕЖ­НИШТВО ВО ОПШТИНИТЕ? Општинските сектори за урбанизам се одговор­ни за градежни проекти на јавни згради(вклучу­вајќи училишта и административни згради), како и за изградба на патишта и канализации, зелени површини и управување со имот(отворени про­стори). Државните институции и локалните са­моуправи се најголемите клиенти за целиот гра­дежен сектор. Во Германија , на пример , дури 30 % од приходите на индустријата се генерирани од јавна градба. Поради високата потрошувачка на ресурси, потрошувачката на енергија и еми­сиите во градежниот сектор, општините имаат значителна предност при носењето одлуки за градба. На тој начин, наместо да предизвикуваат штета за животната средина и здравјето на луѓе­то, можат да создадат додадена вредност со јав­ните згради, особено ако претпочитаат високи еколошки стандадри како во случајот на С2С. ПРЕДИЗВИЦИ НА ОПШТИНСКИТЕ СЕКТОРИ ЗА УРБАНИЗАМ • Зголемена побарувачка на простор за дому­вање и работа во урбаните средини , • Зголемени трошоци за набавка, материјали и изградба на згради , • Преоптовареност со разноразни регулативи (на пр., стандарди кои делумно се преклопу­ваат или се контрадикторни едни со други) , • Недостаток на јасност или споредливост на бројните постоечки сертификати(на пр ., во Германија тоа се DGNB, BNB или LEED) и применливи алатки(на пр., проценки на животниот циклус(LCA) или економски ана­лизи на животниот циклус(LCC)) , • Еднодимензионални функционални цели . 4.1.3 Зошто C2C е убедливо значаен овде? Со следниве аргументи, може да се убедат вра­ботените во секторите за урбанизам во општи­ните за значењето на С2С концептот и неговата имплементација во нивната работа, а особено при носењето одлуки за користење на земјиште­то и градба. ЗГОЛЕМЕНА ПОБАРУВАЧКА ЗА ПРОСТОР ЗА ДОМУВАЊЕ И РАБОТА Со зголемената побарувачка за простор за до­мување и работа, како и зголемувањето на ба­рањата за суровини, традиционалните мерки за ефикасност повеќе не се доволни. Во таков слу­чај, модуларна конструкција со рециклирачки материјали е можниот одговор. Градежните материјали се користат на модуларен начин, што ги прави расклопливи и повторно употребливи. Особено во централните средини каде потре­бите и барањата за зградите брзо се менуваат. Модуларната конструкција лесно може да транс­формира канцеларија во стан или училиште. Употребата на рециклирачки материјали значи дека не се трошат градежни материјали. 24