6.2 Култура " „Мора да разбереме дека заштитата на климата и циркуларната економија не значат дека треба да се откажеме од забавата. Треба да го промениме наративот така што луѓето ќе сфатат: C2C е забавно!“ Александер Мајер цум Фелде, заменик извршен директор на Boston Consulting Group, на C2C Самитот„Staging the Future“ на 22.11.2022 г.44 Како може C2C да ја зајакне културата и да про­мовира разновидни, одржливи културни форми и понуди? Позитивниот пристап на C2C идеално се со ­впаѓа со разновидноста и инклузивноста на локалната културна понуда. C2C создава културна додадена вредност – без чувство на вина и без компромис во квалитетот . Не можеме да се откажеме од културата. Иако културните активности често се сметаат за„ви­шок“ во време на кризи, културата има суштин­ско место во нашиот живот. C2C внесува радост и инспирација и претставува можност за пре­осмислување на нашите културни практики – така што и во културата можеме да оставиме позитивен отпечаток. Културниот сектор прет­ставува важен двигател на промена во еконо­мијата и општеството и може да даде значаен придонес за заштитата на климата и поодговор­но управување со ресурсите . 6.2.1 Разбирање на колегите ШТО ГИ ЗАСЕГА СЕКТОРИТЕ ЗА КУЛТУРА ВО ОПШТИНИТЕ? Општинските сектори за култура се одговорни за сите јавни културни институции: театри, куќи за танц, музеи, опери, оркестри, книжевни цен­три, библиотеки, споменици и места на сеќа­вање, јазични школи, музички, танцови и драм­ски школи. Дополнително, тие ги поддржуваат културните настани организирани од граѓански организации и самите организираат општински настани и/или фестивали за граѓан(к)ите . ПРЕДИЗВИЦИ СО КОИ СЕ СРЕЌАВААТ СЕКТОРИТЕ ЗА КУЛТУРА • Секторите за култура се соочува со предиз­вици слични како климатската заштита или Cradle to Cradle. Овие теми често први се занемаруваат од финансиски причини, иако се клучен двигател за одржлива трансфор­мација на општеството . • И покрај високата мотивација и подготве­ност кај уметници, организатори и граѓан­ски актери да бидат дел од трансформација­та, постои недостаток на обучени лица во секторот за настани кои имаат познавање за одржливост, климатска заштита и C2C. 44 https://preview.mailerlite.com/x4m2p0f9t6 49