8.3 Позитивен пристап во комуникацијата Комуникацијата е клучна за: • Да се направат видливи локалните иниција­тиви и акции за климатска и ресурсна заштита , • Да се вклучат граѓаните и да се направат политичките мерки разбирливи и транспа­рентни . Маркетинг-алатки како логоа или слогани можат да помогнат во комуникацијата и да го направат општинскиот ангажман и вмрежувањето со дру­ги општини и организации повидливо. Позитив­ниот пристап на Cradle to Cradle нуди одлична можност за позитивна јавна комуникација на климатската и ресурсната заштита, без морали­зирање. 8.4 Вклучување на врвот на администрацијата Вклучувањето на општинското раководство и политичарите(на пр. членови на општинскиот совет, градоначалникот и сл.) е клучно, зашто тоа дава политичка поддршка на административни­от кадар. Особено при изработка на стратегија за одржливост или одржлив буџет, политиката мора да биде вклучена од самиот почеток. По­литичари од сите демократски партии треба да бидат дел од управувачката група, а стратегијата треба да биде вградена во официјални одлуки, за да може реално да се спроведе. 63