Eпилог 9. Eпилог " „Сега мораме радикално да размислуваме поинаку, но – и тука целосно се согласувам со Cradle to Cradle – мораме тоа да го поврземе со квалитетот на животот.“ Дирк Меснер, претседател на Сојузната агенција за животна средина на Германија, на LAB Talk на 24.9.2020 г. „Лулка до лулка“ не е утопија! Сите претходни примери покажуваат дека C2C веќе денес нуди многубројни практични можности за примена во општинската администрација. Благодарение на сеопфатниот пристап на C2C, постојат кон­кретни мерки за секое административно поле, кои можат да придонесат за унапредување на C2C на локално ниво . Оваа холистичност на C2C можеби на прв поглед изгледа обемно или комплицирано. Но, за почеток не мора веднаш целата администрација да се трансформира по C2C-принципите. Вреди да се започне со мали чекори, бидејќи и мали промени можат да пре­дизвикаат значајно влијание. Со C2C, општините можат да бидат пионери, да поттикнат иновации и, во контекст на идните политички регулативи, да се позиционираат како визионерски акте­ри во правец на циркуларна економија . Кога општините еднаш ќе започнат да го интегрираат C2C, следните чекори стануваат сѐ полесни. На тој начин, C2C може да прерасне во водечка на­сока за долгорочен и одржлив општински раз­вој . Општините кои сакаат да дознаат повеќе за C2C и се заинтересирани за размена на искуства со други ангажирани локални актери, се топло по­канети да се приклучат на мрежата C2C региони . Тимот за локален развој на C2C NGO е достапен за сите прашања и со задоволство ќе оствари контакт со општини инспирирани од C2C – како и со оние што допрва сакаат да тргнат по тој пат . МРЕЖА C2C РЕГИОНИ Мрежата Cradle to Cradle региони е наменета за сите општински актери, претпријатија и организации кои сакаат да го воведат C2C како севкупен концепт и активно да придонесат за создавање на позитивен еколошки отпечаток во нивната општина. Мрежата го поттикнува активниот дијалог и размена на искуства меѓу членовите преку мрежни средби и работилници и нуди знаење и практична поддршка за примена на C2C во локалниот развој. Mehr Infos: c2c-regionen.org Kontakt: regionen@c2c.ngo 64