Рената Тренеска Дескоска, Јелена Трајковска-Христовска, Марко Кртолица – ПОЛИТИЧКИ СИСТЕМ 185 1.  ОПРЕДЕЛУВАЊЕ НА ПОИМОТ ИДЕОЛОГИЈА Идеологијата има голема улога при поставување на основата за организирана политичка акција и мобилизирање на пошироките народни маси. Политичката активност без идеолошка рамка би била бесмислена. 1 Токму идеологиите даваат смисла и дух на по ­литиката и придонесуваат истата да не биде сведена на гола борба за моќ. Зад секоја идеологија стојат збир на различни идеи, вредно ­сти, верувања и ставови околу тоа како треба да биде организирано општеството. Поимот идеологија најчесто се дефинира како збир на идеи, кои даваат основа за политичка акција, без разли ­ка дали таквата политичка акција е наменета за зачуву ­вање, менување или, пак, соборување на постојниот по ­литички поредок. 2 КЛУЧНИ ПОЕНТИ Идеологија е збир на идеи кои даваат основа за политичка акција, без разлика дали таквата политичка акција е наменета за зачувување, менување или, пак, соборување на постојниот политички поредок. Секоја идеологија преку својот збир на идеи, вредности, верувања и ставови се труди да даде одговор на три важни прашања, и тоа: ■ Опис на постојниот поредок, обично изразен како поглед на светот; ■ Визија како општеството и политичкиот поредок треба да изгледаат; ■ Објаснување со кои чекори таквите политички промени ќе се реализираат за да биде постигнат посакуваниот политички поредок. 3 Вака поставен, денес, поимот идеологија во рамките на политичка ­та наука се набљудува неутрално. Сепак, низ историјата идеологијата секогаш била предмет на кон ­троверзии и различни дефинирања. Пред Француската буржоаска револуција светот претставувал ед ­нолично место за живот во поглед на политичките идеи. Повеќе од 1  Ian MacKenzie,„The meaning of ideology“, In Political Ideologies: An Introduction – Fourth Edition, ed. Vincent Geoghegan and Rick Wilford(New York: Routledge, 2014), 14. 2  Andrew Heywood, Politics – Fourth Edition(London: Palgrave Macmillan, 2013), 28. 3  Ibid. КЛУЧНИ ПОЕНТИ Зад секоја идеологија стојат збир на идеи, вредности, верувања и ставови околу тоа како треба да биде организирано општеството.