Рената Тренеска Дескоска, Јелена Трајковска-Христовска, Марко Кртолица – ПОЛИТИЧКИ СИСТЕМ 215 5.  КОМУНИСТИЧКА ИДЕОЛОГИЈА Токму комунистичката идеологија говори за укинување на капита ­листичката економија по пат на револуција и нејзино заменување со социјалистичко бескласно општество засновано врз заедничка сопственост. Тука веднаш треба да се потенцира дека Карл Маркс и Фридрих Енгелс покрај тоа што се највлијателните автори во рам ­ките на социјалистичката идеологија тие, воедно, се и најважните претставници на комунистичката традиција на социјалистичка ­та идеологија. При поставување на темелите на социјалистичката идеологија, Карл Маркс и Фридрих Енгелс потенцираат дека целата историја на човештвото е историја на класна борба. 83 За Маркс и Енгелс крајот на класната борба ќе дојде со воспоставу ­вање на социјалистичко општество, односно бескласно општество засновано врз заедничка сопственост, познато како комунизам. 84 Таквите промени, според Маркс и Енгелс, не може да дојдат по мирен и еволутивен пат бидејќи владејачката класа ќе направи сè што е во нејзина моќ да ги спречи промените. 85 Токму затоа, Маркс и Енгелс сметаат дека промените може да дојдат единствено по пат на рево ­луција предводена од работничката класа. КЛУЧНИ ПОЕНТИ Комунистичката идеологија смета дека до бескласно општество не може да се дојде на мирен начин и дека бескласното општество ќе биде создадено преку: пролетерска револуција, диктатура на пролетеријатот (укинување на демократијата, воведување на еднопартиски систем и тоталитарна држава) и планска економија (укинување на пазарот и приватната сопственост). REVOLUTION Слика 23. идеологија смета дека создавањето на бескласно општество е можно само по пат на револуција. 86 83  Brown,„Communism“, 480. 84  Heywood, Political Ideologies: An Introduction – Sixth Edition, 191. 85  Geoghegan,„Socialism“, 78. 86  Сликата е од@freepik на Freepik.