Рената Тренеска Дескоска, Јелена Трајковска-Христовска, Марко Кртолица – ПОЛИТИЧКИ СИСТЕМ 237 Вака поставена, фашистичката идеологија, посебно преку идејата за доминација на највисоката раса, но и преку глорификувањето на конфликтите и војната, предизвикала големи злосторства во XX век. Голем број теоретичари велат дека фашистичката идеологија не може да се разгледува без анализа на општествените, политичките и еко ­номските фактори кои довеле до нејзината појава. Појавата на фашис ­тичката идеологија се поврзува со револтот кон крвопролевањата во Првата светска војна, политичката нестабилност од отфрлањето на монархиите и воведувањето на фрагилни демократски институции по Првата светска војна, но и страв од ширењето на Болшевизмот, како и огромната невработеност, инфлација и рецесија предизвикани од големата економска криза во меѓувоениот период. Веројатно, ваквиот општествен, политички и економски хаос е главната причина зошто голем број европски граѓани во овој период одлучиле паролата: слобо ­да, еднаквост и братство да ја заменат со паролата: ред, авторитет и правда . Најголем дел од теоретичарите сметаат дека веењето на вак ­вата парола е ужасна епизода од човековата историја која повеќе нема да се повтори. Но, реалноста говори дека во последната деценија во ев ­ропските општества ваквата парола повторно станува актуелна преку подемот на радикално-десничарските политички партии и движења. Слика 44. од расистички настани и пораки во: САД, Австралија и Јужноафриканска Република. 9.  ИДЕОЛОГИЈА Почнувајќи од 80-тите години на XX век, а посебно по падот на Берлинскиот ѕид, во државите од Западна Европа започнаа да се јавуваат голем број партии, кои на идеолошката оска се лоцира ­ат крајно десно и се поврзуваат со радикални и екстремистички вредности. Ваквите политички партии се поврзуваат со радикал ­но-десничарската идеологија. КЛУЧНИ ПОЕНТИ Радикално­десничарската идеологија започнува интензивно да се развива во 80­тите години на XX век и истата се претставува како глас на обичниот народ кој говори против мигрантски процеси, европска интеграција и глобализација.