Рената Тренеска Дескоска, Јелена Трајковска-Христовска, Марко Кртолица – ПОЛИТИЧКИ СИСТЕМ 241 Исто така, радикално-десничарската идеологија говори против про ­цесите на глобализацијата. Антиглобализмот е едно од обележјата на оваа идеологија. За приврзаниците на оваа идеологија глобали ­зацијата претставува зло, наметнато од надвор. 154 Според нив, гло ­бализацијата е опасност за националниот идентитет и култура. Радикално-десничарската идеологија станува атрактивна за граѓани ­те на европските држави во периоди на криза на умерените идеологии, засилена европска интеграција, зголемен број на имигранти и економ ­ска криза. Притоа, радикално-десничарската идеологија успева да се оддалечи од фашистичката идеологија за да одбегне нејзино поисто ­ветување со оваа озлогласена идеологија, но во исто време, успева да се поврзе со позициите на национализмот, догматизмот, ригидноста, ексклузивноста, авторитарноста, расизмот и ксенофобијата. 10.  ФЕМИНИЗАМ Улогата и положбата на жената во општеството секогаш биле пред ­мет на интерес на религијата, филозофијата, социологијата, но и на политичката наука. За жал, во најголем дел од човековата исто ­рија доминирале идеите дека жената и мажот не се еднакви и дека жената треба да биде подредена на мажот. Тоа довело до угнету ­вање и доминација на мажот над жената. Таквата состојба пред ­извикала идеи, ставови, верувања кои укажуваат на потребата од подобрување на положбата на жената и нејзина еднаква улога во општеството со мажот. Токму тоа е основата на феминистичката идеологија. Станува збор за идеологија која укажува на потребата од укинување на дискриминацијата и угнетувањето на жените пре ­ку промовирање на улогата и еманципираноста на жената во сите сфери на општеството. 155 Во рамките на феминистичката идеоло ­гија постојат различни пристапи во поглед на природата, причини ­те и решението за нееднаквоста на жените во општествата. 156 Тоа говори дека феминистичката идеологија не е статична идеологија, туку постојано се менувала, но секогаш нејзина централна тема била подобрување на положбата на жената, односно идејата за ед ­наквост меѓу жената и мажот . КЛУЧНИ ПОЕНТИ Централна тема на феминистичката идеологија е подобрување на положбата на жената, односно идејата за еднаквост меѓу жената и мажот. 154  Florian Hartleb, After Their Establishment: Right – wing Populist Parties in Europe (Brussels: The Centre for European Studies, 2011), 37. 155  Vincent, Modern Political Ideologies – Third Edition, 165. 156  Valerie Bryson,„Feminism“, In Contemporary Political Ideologies, ed. Roger Eatwell and Anthony Wright(London: Pinter Publishers, 1993), 192.