342 ГЛАВА 9 ОРГАНИЗАЦИЈА НА ВЛАСТА Диспозитивни карактеристики на полупретседателскиот систем се: 62 1. Во него постои шеф на држава и премиер(тоа е различно од претседателски и собраниски систем). 2. Претседателот се избира од граѓаните на непосредни избори, а премиерот се именува од страна на претседателот, при што тој мора да води сметка премиерот да ја ужива поддршката на парламентот. 3. Претседателот се избира за фиксен термин(во Франција за 5 години, со можност за еден реизбор). Претседателот може да го распушти Националното собрание. 4.2.  ПОЛОЖБА НА ПРЕТСЕДАТЕЛОТ НА ФРАНЦИЈА Претседателот на Франција е гарант на: националната независност, интегритетот на територијата, почитувањето на спогодбите на за ­едницата и меѓународните договори. Тој треба да обезбеди почи ­тување на Уставот и редовно функционирање на јавните власти и континуитетот на државата. Има улога на арбитер при проблем во креирањето и спроведувањето на политиката од другите политич ­ки институции. Претседателот на државата има овластувања кои се изворно прет ­седателски и ги врши самостојно, но има и овластувања за чија ва ­лидност му е потребен потпис од премиерот или од надлежен ми ­нистер(премапотпис). Претседателот го именува премиерот . Ова овластување го врши самостојно, но„рацете не му се целосно одврзани“, туку треба да води сметка за парламентарното мнозинство бидејќи Владата е од ­говорна пред Парламентот. Во периодите кога шефот на државата и мнозинството во Парламентот се од иста политичка партија, прет ­седателот има, речиси, апсолутна слобода во изборот на премиерот. Од друга страна, претседателот не може по своја волја да го разре ­ши премиерот. Тој го разрешува само кога премиерот ќе му поднесе оставка. Но, имајќи предвид дека претседателот претседава со сед ­ниците на Министерскиот совет и ги потпишува неговите акти, тој може да одбие да ги потпише тие акти(„штрајк на перото“) и со тоа 62  Justin Orlando Frosini,„Forms of state and forms of government“, во: Guseppe Franco Ferrari(ed.),“Introduction to Italian Public Law“, Milano. 2022, стр. 54-55.