Рената Тренеска Дескоска, Јелена Трајковска-Христовска, Марко Кртолица – ПОЛИТИЧКИ СИСТЕМ 349 за следната година. Сојузното собрание именува и потпретседател на Сојузниот совет за период од една година, со тоа што ист член не може да ја врши функцијата потпретседател во текот на две години едноподруго. Сојузниот совет: има право на законодавна иницијатива, се грижи за извршување на законите, одлуките и пресудите на Сојузниот суд, се грижи за меѓународните односи и безбедноста, управува со фи ­нансиите, и сл. Значи, извршната власт во Швајцарија е unicum во споредбеното право и системот ги има следните диспозитивни карактеристики: 74 1. Нема посебен шеф на држава и премиер, туку во еден орган ги комбинира позициите шеф на држава и Влада – како и САД, само со таа разлика што овде тој орган – Сојузниот совет е колегијален орган, за разлика од САД каде е индивидуален орган. 2. Сојузниот совет е избран од Парламентот, а не од граѓаните. 3. Нема гласање на недоверба на Сојузниот совет. Фиксниот тер ­мин од 4 години е сличен на претседателскиот систем, а разли ­чен од парламентарниот. 5.2.  НА ЗАКОНОДАВНАТА И ИЗВРШНАТА ВЛАСТ ВО ШВАЈЦАРИЈА Односите меѓу законодавната и извршната власт во Швајцарија се поставени врз принципите на организациона и функционална зависност. Организациона зависност значи дека извршната власт произлегу ­ва од законодавната власт, односно Сојузното собрание го имену ­ва Сојузниот совет. Гласањето за членовите на Сојузниот совет се врши тајно во двата дома на Собранието и тоа одделно за секој кан ­дидат. За избор е потребно апсолутно мнозинство. Значи, составот на Сојузниот совет не се гласа„во пакет“, како што е тоа случај со гласањето за составување на влада во другите земји во кои таа се избира во парламентот. Но, она што е специфично и, воедно, е отстапување од зависноста на Сојузниот совет од Собранието, е тоа што Собранието не може да го разреши Сојузниот совет, односно не може да биде поставено 74 Justin Orlando Frosini,„Forms of state and forms of government“, во: Guseppe Franco Ferrari(ed.),„Introduction to Italian Public Law“, Milano. 2022, стр. 51.