Рената Тренеска Дескоска, Јелена Трајковска-Христовска, Марко Кртолица – ПОЛИТИЧКИ СИСТЕМ 409 Ваквите слабости на пропорционалните изборни модели често може да се најдат во рамките на теоријата. Сепак, преку воведу ­вање на изборен праг и игра со големината на изборните единици, може да се придонесе кон ублажување на одредени слабости, од ­носно кон помало фрагментирање на партискиот систем и елими ­нирање на радикалните и екстремистичките партии од парламен ­тот. Дополнително, отворените партиски листи, исто така, може да придонесат за воспоставување близок контакт меѓу избирачите и кандидатите, како и отчетност на избраните кандидати кон своите избирачи. 4.4.  МОДЕЛ НА ПОЕДИНЕЧЕН ПРЕНОСЛИВ ГЛАС(SINGLE TRANSFERABLE VOTE – STV) Критиките упатени кон пропорционалните изборни модели во поглед на квалитетот на избраните претставници, како и нивната близина со избирачите, придонеле кон развој на изборниот модел со поединечен пренослив глас. Станува збор за изборен модел кој се вбројува во рамките на пропорционалните изборни модели би ­дејќи функционира во рамки на повеќемандатни изборни единици, а пресметката на мандати повторно се врши со помош на изборни формули и квоти. Обично, функционирањето на изборниот мо ­дел на поединечен пренослив глас се поврзува со Дроповата квота која се пресметува преку следнава формула: Вкупен број на гласови Дропова квота= (Вкупен број на мандати+1) + 1 Таквото пресметување со помош на Дроповата квота, најчесто се спроведува во изборни единици во кои се избираат од 3 до 8 прет ­ставници. 115 До тука и не се забележува некоја поголема разлика од останатите пропорционални изборни модели. Сепак, начинот на гласање, како и определувањето кои кандидати се избрани, отско ­кнуваат од пропорционалните изборни модели и потсетуваат на мнозинскиот изборен модел со алтернативен глас. Така, на самиот почеток треба да се има предвид дека политички ­те партии нудат листа на кандидати според бројот на претставни ­ци што се избираат од изборната единица. Притоа, избирачите не гласаат за партиска листа, туку при гласањето избирачите треба да ги подредат кандидатите преку впишување на: број 1 пред името и 115 Heywood, Politics – Fifth Edition, 236.