Рената Тренеска Дескоска, Јелена Трајковска-Христовска, Марко Кртолица – ПОЛИТИЧКИ СИСТЕМ 467 1.  ЗА ЦИВИЛНОТО ОПШТЕСТВО Поимот цивилно општество претставува повеќеслоен, еластичен, „недофатлив“ поим, поим –„камелеон“. Неговото определување на ­метнува потреба од анализирање на различни аспекти кои се одне ­суваат на него. Иако овој концепт го опкружува двосмисленост и не постои една универзална дефиниција, од суштинско значење е тој да се разгледа темелно, зошто тоа во голема мерка дефинира што може да се очекува од него. 1 Термини кои се употребуваат за да се означи цивилното општествo се: koinonia politika , société civile , civil society , bürgerliche Gesellschaft, civilis communitas . Други термини и конструкции кои често се упо ­требуваат, а кои посредно се однесуваат на цивилното општество, се конструкциите: невладин сектор, непрофитен сектор, независен сектор, посреднички сектор, итн. Цивилното општество претставува дел од општеството. Тоа прет ­ставува севкупност на институции, организации и активности кои се наоѓаат во просторот меѓу семејството, стопанството и држава ­та. 2 Имено, цивилното општество претставува општествена струк ­тура меѓу приватната сфера на граѓаните и државата. Цивилното општество се состои од организации во кои граѓаните добровол ­но се здружуваат и поврзуваат со цел остварување на определе ­ни заеднички интереси, барања, желби, права. Оттука, цивилното општество претставува севкупност и мрежа на: клубови, заедници, невладини организации, асоцијации(професионални или аматер ­ски) кои го негуваат чувството на солидарност и партиципативност во меѓусебните односи 3 . Значи, цивилното општество ги вклучува: различните доброволни и непрофитни организации, општествени и политички движења и други видови на партиципација на граѓа ­ните, како и вредностите и културните обрасци кои се поврзани со нив. Имено, секоја група за која може да се каже дека застапува определени колективни интереси или, пак, презентира определена инволвираност и активност чија цел е остварување некакви инте ­реси, права, барања, претставува дел од цивилното општество. 1 Lussi Lane. Debating civil society: Contested Conceptualizations and development Trajectories. International Journal of Non- Profit Law. Vol.16. No 1. September, 2014/59, стр. 2. 2  Slaviša Orlović. Politička sociologija. Univerzitet u Beogradu. Fakultet političkih nauka. 2019, str. 40. 3  Климовски Саво, Каракамишева Тања, Дескоска Рената. Политички систем.„Просветно дело“ АД, Скопје, 2009, стр. 225. КЛУЧНИ ПОЕНТИ Цивилното општество е севкупност на: институции, организации и активности што се наоѓаат во просторот меѓу: семејството, стопанството и државата.