488 ГЛАВА 12 ЦИВИЛНОТО ОПШТЕСТВО И ПОЛИТИЧКИОТ СИСТЕМ КЛУЧНИ ПОЕНТИ Синдикатите се организации на работниците кои се основани со цел да преговараат со работодавачите и да се изборат за подобар статус и заштита на правата на вработените. Асоцијациите на работодавачите се организации кои ги застапуваат и поддржуваат: правата, интересите и барањата на работодавачите. Членството во синдикатите и здруженијата на работодавачите е доброволно . 6.  НА РАБОТНИЦИ И РАБОТОДАВАЧИ ВО ПОЛИТИЧКИОТ СИСТЕМ Синдикатите(грч. sýndicos) претставуваат организации на работни ­ците кои се основани со цел да преговараат со работодавачите и да се изборат за подобар статус и заштита на правата на вработените, односно да го унапредат нивниот животен стандард. Синдикатот претставува доброволна, самостојна, општествено-еко ­номска организација на работниците, која ги претставува и се бори за остварување на нивните интереси поврзани со работното место и со нивната материјална и социјална положба. 30 Настанувањето и развитокот на синдикатите претставува неизо ­ставен дел на работничкото движење. Настанувањето на синдика ­тите во различни земји, неминовно било детерминирано од нивниот различен степен на економски развиток, но се врзува за периодот од крајот на XVIII век. Првите синдикални организации се јавува ­ат во Велика Британија во овој период, за во периодот на XIX век да прераснат во најмасовни организации на светското работничко движење, кои влијаат врз, речиси, сите општествено-економски и политички настани во земјите во кои се основаат. Здружувањето на работниците во синдикати претставува резултат на: капиталистич ­киот развој, развојот на производните сили, техниката и техноло ­гијата, зголемената експлоатација на трудот, здржувањето на рабо ­тодавачите, потребата за организирана солидарност на работници ­те во борбата за извојување на елементарни права и подобрување на нивната материјална и социјална положба. На почетокот, нивна ­та активност била насочена кон обезбедување помош и братска со ­лидарност во случај на повреди, болест и смрт. Подоцна прераснале во вистинска преговарачка сила, која по пат на колективно прегова ­рање со работодавачите ги утврдува условите на: вработување, ра ­бота, платите, работното време, должината на дневниот, неделниот и годишниот одмор, итн. 30  Климовски Саво, Каракамишева Тања, Дескоска Рената. Политички систем. „Просвтно дело“ АД, Скопје. 2009, стр. 239.