Рената Тренеска Дескоска, Јелена Трајковска-Христовска, Марко Кртолица – ПОЛИТИЧКИ СИСТЕМ 527 2.  НА ЈАВНОТО МИСЛЕЊЕ СО ИДЕОЛОГИЈАТА, ПОЛИТИЧКАТА КУЛТУРА И ПАРТИСКАТА ИДЕНТИФИКАЦИЈА Јавното мислење има многу сличности, но и многу разлики со иде ­ологијата и со политичката култура. Трите категории се дел од општествената свест , при што политичката култура и идеологија ­та се централен и многу постојан дел на општествената свест. Трите категории се изградени од ставови , но политичката култура и иде ­ологијата се засноваат доминантно врз поопшти и покомплетни ставови, додека јавното мислење претежно се заснова врз нецелос ­ни ставови. Трите категории се плод на општествена интеракција и имаат исти носители (општествени групи, поединци). Трите ка ­тегории имаат потенцијал за мобилизација и имаат заеднички општествени функции – придонесуваат за кохезија, поттикнуваат комуникација, поттикнуваат на одредено однесување, но и го пред ­видуваат човековото однесување. 18 Јавното мислење се гради врз основа на одредена идеологија , но не е идентично со неа. Односот меѓу јавното мислење и идеологијата се состои во следново: 1. Идеологијата е систематизиран и целосен поглед на светот, а јавното мислење се состои од мислења за одредени конкретни прашања што ја интересираат јавноста. Теоретски, идеологи ­ите промовираат конзистентност меѓу политичките ставови, поврзувајќи ги со нешто поголемо, поопшт принцип или збир на принципи. 19 2. Јавното мислење е составен дел на идеологијата, т.е. влијае врз создавањето на идеологијата. 3. Идеологијата може да биде предмет на јавното мислење, т.е. јав ­ното мислење може да има одредено мислење за една идеологија. 4. Идеологијата влијае врз создавањето на јавното мислење, но има и многу случаи кога тоа влијание не постои, или е многу слабо, бидејќи е во прашање јавно мислење за нешто што нема 18  За сличностите меѓу политичката култура и јавното мислење видете во: Dragomir Pantić i Zoran M. Pavlović,„Javno mnenje – koncept i komparativna istraživanja“, Friedrich Ebert Stiftung, Beograd. 2007, стр. 66-69. 19  Kernell, Samuel, et al. The Logic of American Politics. Available from: VitalSource Bookshelf, (11th Edition). SAGE Publications, Inc.(US), 2023.