ჩვენი პუბლიკაციის საშულებით შეგიძლიათ გაეცნოთ საქართველოში კლიმატით გამოწვეული შიდა მიგრაციის კომპლექსურ რეალობას. შერჩეულ მუნიციპალიტეტებზე ფოკუსირებით, სამცხე-ჯავახეთში, ქვემო ქართლსა და მთიან აჭარაში (ნინოწმინდა, წალკა, ხულო) შეფასდა იძულებით გადაადგილებულ პირთა მდგომარეობა, პოლიტიკის სისუსტეები, საერთო პრობლემები და გამოიკვეთა რეკომენდაციები „ეკო-მიგრანტების“ მხარდამჭერი პოლიტიკის გასაუმჯობესებლად. ინტერვიუები ჩატარდა იძულებით გადაადგილებულ პირებთან, სამიზნე მუნიციპალიტეტებში, ადგილობრივ, რეგიონულ და ეროვნული ხელისუფლების წარმომადგენლებთან, საერთაშორისო და ადგილობრივ არასამთავრობო ორგანიზაციებთან. დოკუმენტი შემუშავდა ფრიდრიხ-ებერტის ფონდის (FES), სოფლად თემთა განვითარების სააგენტოსა(RCDA) და ეკლესიათა მსოფლიო საბჭოს (CWS) პარტნიორობით.