2009 წლიდან, ფრიდრიხ ებერტის ფონდი არაერთ ქვეყანაში ატარებს ახალგაზრდების კვლევას. ეს კვლევები შეისწავლის ახალგაზრდების დამოკიდებულებებს საზოგადოებრივი განვითარების მიმართ და მათ შეხედულებებს ეროვნული და გლობალური ტრანსფორმა¬ციების კვალდაკვალ. კვლევები აერთიანებს თვისებრივ და რაოდენობრივ მეთოდებს და ტარდება ადგილობრივ კვლევით ჯგუფებთან მჭიდრო თანამშრომლობით. სამხრეთ კავკა¬სიის ქვეყნებში - სომხეთში, აზერბაიჯანსა და საქართველოში კვლევების მეორე ტალღა 2022 წელს ჩატარდა, 14-29 წლის ახალგაზრდების მონაწილეობით. ამ კვლევების მიზანია გამოიკვლიოს რეგიონში მცხოვრები ახალგაზრდების დამოკიდებულებები, იმედები, რწმე¬ნები, და სამომავლო პერსპექტივები. ამასთან, კვლევები მოიცავს ისეთი საკითხების შესწა¬ვლას, როგორებიცაა განათლება, დასაქმება და მობილობა, ოჯახი და მეგობრები, პოლი¬ტიკური შეხედულებები და დამოკიდებულებები.
სამხრეთ კავკასიაში მცხოვრები ახალგაზრდების კვლევა ჩატარდა სამივე ქვეყნისათვის მნიშვნელოვან პერიოდში, რეგიონში მიმდინარე დრამატული გეოპოლიტიკური ცვლილე¬ბების, პანდემიისგან გამორკვევის, უკრაინაში რუსეთის შეჭრის, და სომხეთსა და აზერბა¬იჯანს შორის 2023 წლის კონფლიქტის ფონზე. ამ მოვლენებმა მნიშვნელოვანი გავლენა იქონია ახალგაზრდებზე, მათ მსოფლმხედველობაზე, რწმენებზე, დამოკიდებულებებზე, შეხედულებებზე და სამომავლო პერსპექტივებზე.