Studimi jep një panoramë të përgjithshme të situatës së grave në vend për sa i përket jetës së tyre familjare dhe shoqërore, vlerave, besimit dhe fesë, arsimimit, punësimit, pjesëmarrjes në politikë, sigurisë dhe shëndetit. Ai ofron një qasje gjithëpërfshirëse të bazuar mbi një kampion përfaqësues në shkallë kombëtare, të përbërë nga 1 000 të reja dhe gra. Studimi ofron të dhëna shkencore për të orientuar reflektimet dhe debatet, të cilat duhen zgjeruar përtej sferës akademike, dhe mundëson diskutimin e hapur rreth mënyrave të trajtimit të drejtësisë gjinore në Shqipëri.