Արդյո՞ք աշխատանքն ինքնին ապահովում է տնային տնտեսությունների բարեկեցությունը և ովքե՞ր են «զբաղված աղքատները»։ «Զբաղված աղքատների ֆենոմենը Հայաստանում» հետազոտությունն անդրադառնում է այս հարցերին՝ ներկայացնելով «զբաղված աղքատ» հասկացության վերաբերյալ տեսական մոտեցումները, աշխարհի մի շարք երկրներում այդ ցուցանիշի հաշվարկման մեթոդաբանությունը, հայրենական և միջազգային վիճակագրական տվյալների վերլուծությունը, ինչպես նաև՝ հաշվարկելով զբաղված աղքատների բաշխվածությունն ըստ կրթական մակարդակի, սեռի և տարիքի՝ օգտվելով ՀՀ ՎԿ տնային տնտեսությունների կենսամակարդակի ամբողջացված հետազոտության անվանազերծված միկրոտվյալների բազաներից։ Հետազոտության նպատակն է ավելի խորքային կերպով անդրադառնալ այն անձանց խնդիրներին, որոնք, զբաղված լինելով տնտեսության տարբեր ոլորտներում, այդուհանդերձ, անկարող են ապահովել սեփական բարեկեցությունը։
«Զբաղված աղքատների ֆենոմենը Հայաստանում» հետազոտությունն իրականացվել է «Ամբերդ» հետազոտական կենտրոնի հրավիրյալ հետազոտողներ՝ տ.գ.թ., դոցենտ Լուսինե Կարապետյանի և տ.գ.թ., դոցենտ Լուսինե Սահակյանի կողմից՝ Ֆրիդրիխ Էբերտ հիմնադրամի աջակցությամբ։