Зерттеу Орталық Азия аймағындағы аймақтандыру құбылысы бойынша Қазақстан үшін қолайлы жолдарды анықтау мәселесін саралайды. Аналитикалық құжаттың авторлары аймақтандырудың қандай стратегияларының қаншалықты оңтайлы екендігі және оларды іске асыруда қандай қауіп-қатерлердің орын алуы мүмкін екендігі туралы өз ойларын теория жүзінде ортаға салады. Аймақтандыру үдерістерінің стратегияларын анықтайтын салалар ретінде экономика, қауіпсіздік, энергетика және су қорларымен қамтамасыз ету мәселелері қарастырылады. Аймақтық құрылыс мәселесі сонымен қатар этносаралық қарым-қатынастар мен жаһандану мәнмәтінінде де зерделенеді. Жұмыстың жаңалығы мәселенаманы геосаяси сипаттағыдан басқа да ғылыми-аналитикалық жолдар мен алуан түрлі парадигмаларға сүйене отырып саралауда көрініс табады.