როგორია ჩვენი საზოგადოება? ვის და რამდენს, რა შეუძლია? ვის და რამდენს, რა ზეგავლენა აქვს მთლიანად საზოგადოებაზე ან ადამიანთა გარკვეულ ჯგუფებზე? ვის და რამდენს, რა უფლებები აქვთ და რა შესაძლებლობები ამ უფლებების რეალიზებისთვის? ამ და სხვა მსგავს კითხვებზე პასუხის არქონის შემთხვევაში, ჩვენი შესაძლებლობები საზოგადოებრივი, პოლიტიკური თუ ეკონომიკური ვითარების ანალიზისა, უკიდურესად მწირია და პროგნოსტიკული პოტენციალი – უკიდურესად შეზღუდული. მრუდე სარკეში დამახინჯებულ, ილუზორულ სინამდვილეს ვხედავთ და ილუზიებით ვიკვებებით. ამ კრებულში მკითხველი ვერ იპოვის საბოლოო და ამომწურავ პასუხებს, თუმცა ჩვენი ამოცანა იყო ფართო აკადემიური და საზოგადოებრივი მსჯელობის დღის წესრიგში შემოგვეტანა (უ)თანასწორობის პრობლემა.