ღირსეული შრომის დღის წესრიგი (საჭიროებების შეფასება და გზამკვლევი) საქართველოში ბოლო წლებში განხორციელებული შრომის კანონმდებლობის რეფორმირების შემდგომი პირველი ყოვლისმომცველი კვლევაა. მასში შესწავლილი და გაანალიზებულია საქართველოში შრომითი უფლებებისა და შრომითი უსაფრთხოების დაცვის სფეროში არსებული გამოწვევები და ხარვეზები. დოკუმენტი მოიცავს კვლევის სამივე კომპონენტის - სამართლებრივი მიმოხილვის, ლიტერატურული კვლევისა და ინტერვიუების ანალიზის პერსპექტივას წამოჭრილი პრობლემური საკითხების შესახებ. ამასთან, დოკუმენტი ითვალისწინებს ერთგვარ გზამკვლევსა და რეკომენდაციებს, იდენტიფიცირებული გამოწვევების შესაძლო გადაჭრის გზების თვალსაზრისით. კვლევა დაეხმარება საქართველოს მთავრობას, სოციალურ პარტნიორებს, სხვა დაინტერესებულ პირებს, იურისტებსა და ექსპერტებს, განსაზღვრონ საქართველოში შრომითი ურთიერთობების შემდგომი განვითარებისა და გაუმჯობესების სფეროები.