Заштитата на климата и ресурсите е примарна тема за општините? 1. Заштитата на климата и ресурсите е примарна тема за општините? 1.1 Како може да се примени„Лулка до лулка“ на локално ниво? " „Само кога решенијата за климатската и ресурсната криза ќе се поврзат и спроведат заедно, преминот кон обновливи извори на енергија ќе биде навистина одржлив и насочен кон иднината(...)„Лулка до лулка“ е апсолутно вистинскиот пат.“ – Економистката проф. д-р Клаудија Кемферт, на LAB Talk организиран од C2C на 18.2.2021 година1 Климатските промени, недостигот на ресурси, несигурноста во поглед на синџирите на снаб­дување, исчезнувањето на биодиверзитетот и растот на социјалните нееднаквости , предизви­куваат бројни предизвици за човештвото кои се длабоко поврзани меѓу себе. Овие глобални предизвици имаат големи влијанија врз нашето секојдневие и структурната поставеност на на­шите општества. Општините сè повеќе мора да се занимаваат со теми како климатската адапта­ција и одржливост за да ја осигураат иднината на урбаните и руралните средини во поглед на подобноста за животот на луѓето и во иднина. Но, за да се одговори на овие сложени предиз­вици, потребни се пристапи кои соодветно ја одразуваат нивната комплексност. Токму таков е пристапот на„Лулка до лулка“(кој потекнува од германскиот израз Cradle to Cradle или скратено C2C). Со С2С се создаваат севкупни, интегри­рани решенија – бидејќи меѓусебно поврза­ните проблеми можат да се решат само на ин­тегриран начин. Целта не е фокусот да се стави на одрекување или намалување на негативните последици од нашето делување, туку да се соз­даде економска, еколошка, социјална и културна додадена вредност. Општините се идеална почетна точка за еден иновативен концепт како C2С. Тие се места на разновидност, знаење, креативност и напредок. Општините можат да бидат пример за сле­дење и да го искористат својот економски и политички потенцијал за да поттикнат проме­на кон социјално-еколошка трансформација на целото општество . А, општинските адми­нистрации имаат особено важна улога во овој процес. Таму работат луѓе кои секојдневно носат одговорност за широк спектар на теми, и тоа од јавни набавки, градежништво, сообраќај и мо­билност, заштита на животната средина, еконо­мија, па сè до образование и култура, а кои сека­ко , ги засегаат и нив самите. Земајќи ја предвид комплексноста на општинската администра­ција, С2С нуди решенија за како различни сектори да применат интегрирани пристапи 1 C2C NGO LAB Talk mit Claudia Kemfert: https://www. youtube.com/watch?v=xOMmsJqR-vc&list=PL4jnVdlkmlQdA­vjT8IS8jLEyGO5flZC2&index=20 6