при управувањето со ограничените ресурси . С2С верува дека вработените во јавната админи­страција можат да го искористат влијанието што го имаат преку нивната секојдневна работа за да дефинираат и спроведат конкретни чекори кои ќе водат кон вистинска циркуларна економија според принципите на C2C. Притоа, C2C како позитивен пристап не повикува само на про­мени во работењето, туку влијае и врз проме­на на перспективата. Целта не е да се создаде чувство на вина, туку да се понудат решенија, да се придонесе за квалитетот на животот , а притоа имплементацијата да носи придобив­ки и задоволство за сите! 1.2 Зошто е потребен овој прирачник? Овој прирачник има за цел да понуди почетна поддршка за сите лица во јавната администра­ција кои се занимаваат со теми како што се C2С, заштита на климата, ресурсите и животната сре­дина. Овие актери за одржливост се токму оние кои, како амбасадори, можат да ги внесат прин­ципите на C2C во различните сектори на админи­страцијата. За таа цел, прирачникот содржи широк спектар на идеи и конкретни примери од праксата, но и аргументи кои би можеле да помогнат во про­цесот на убедување на колегите од различните ад­министративни сектори во вредноста и значењето на C2C. C2C може да служи како севкупен концепт за ориентација на општините, но исто така да пону­ди и практични решенија за конкретни предизви­ци во секој административен сектор. 1.3 Кому му е наменет овој прирачник? Прирачникот пред сè им е наменет на лица кои во рамки на општинските администрации рабо­тат на теми поврзани со заштита на климата, климатската адаптација и одржливиот развој . Тоа може да бидат, на пример, службеници за заштита на климата, менаџери за климатска адаптација или раководители на релевантни одделенија(на пример, оддел за одржлив развој или урбанизам) во локалната самоуправа. Називите на функциите и конкретните надлеж­ности може да варираат од општина до општина. Но , сите тие, меѓу другото, се грижат за тоа меѓу­народните договори и националните закони поврзани со заштитата на климата да се спрове­дат и почитуваат на локално ниво.2 2 Повеќе информации за задачите на менаџерите за климатска заштита може да се најдат тука: Почетна иницијатива: Концепт за климатска заштита и климатско управување.[Онлајн] https://www.klimaschutz.de/de/foerderung/foerderprogramme/ kommunalrichtlinie/erstellung-von-klimaschutzkonzepten­und-einsatz-eines-klimaschutzmanagements/erstvorhaben­klimaschutzkonzept-und-klimaschutzmanagement (пристапено на 2 август 2023 година). Впечаток за предизвиците во нивната секојдневна работа: Да прашаме! Интервјуа за предизвиците во климатската заштита. [Онлајн] https: //www.klimaschutz.de/de/service/meldungen/mal-nachgef ragt­interviews-zu-herausforderungen-im-klimaschutz (пристапено на 2 август 2023 година), 7