Како да го разбереме концептот„Лулка до лулка“? 2. Како да го разбереме концептот„Лулка до лулка“? „Лулка до лулка“(или скратеницата C2C од ори­гиналната верзија на германски јазик Cradle to Cradle) е севкупен концепт што ни помага да го промениме начинот на размислување и да го трансформираме постоечкото линеарно економ­ско уредување на нашите системи во вистинска циркуларна економија со социјална додадена вредност. Овој концепт ја поврзува заштитата на климата и на ресурсите и применува ино­вативни решенија за еколошки, економски и социјални предизвици, бидејќи меѓусебно повр­заните проблеми можат да се решат само преку интегриран пристап. 2.1 Промена на размислувањето: мисловната школа на C2C Со оглед на с ѐ она што се случувало во изминати­те 100 години, не е ни чудо што човекот честопати себеси се доживува себеси како штетник. Но, ток­му тоа саморазбирање води кон погрешна стра­тегија за решавање на проблемите: со децении се обидуваме да правиме помалку погрешни работи преку ограничувања и намалување на нашето дејствување(пр. помалку отпад). Оваа стратегија, сепак, не се справува со коренот на проблемот кој длабоко лежи во линеарниот економски си­стем кој не води сметка за обнова на ресурсите. А зошто е тоа така? Па затоа што помалку лошо или помалку погрешно, не значи автоматски и добро . Ако испуштаме малку помалку CO₂ во атмосферата или трошиме помалку од ограни­чените ресурси, можеме само да ги забавиме последиците, но не и да ги решиме. На глобално ниво, оваа стратегија на одрекување, во услови на растечко светско население и нееднакви нивоа на благосостојба, не е ниту реална ниту доволна. Од друга страна, климатски и реурсно­позитив­ниот пристап може навистина да нѐ придвижи напред: нашата цел треба да биде да ја негуваме и унапредуваме планетата Земја како основа за живот , а не само да ја сочуваме што честопати се гледа на одредени активистички пароли. Тоа значи, преку нашето дејствување да создадеме вредност , без разлика дали е тоа во јавниот живот, образо­ванието, културата или економијата. C2С ги засега сите аспекти на нашиот живот. Со примени на оваа стратегија, наместо да се доживуваме како штет­ници, можеме себеси да се гледаме како корисни суштества кои оставаат позитивен отпечаток врз планетата Земја и светот. За тоа, потребно е да ги разбереме поврзаностите и да пронаоѓаме сев­купни решенија за комплексните предизвици на нашето време . На пример, начинот на кој се од­несуваме кон ресурсите, директно влијае врз кли­мата. Според ова, треба да го промениме и нашиот однос кон ограничените суровини и на тој начин да предизвикаме позитивно влијание врз климат­ските услови. Но, за да дојдеме дотаму, мораме да мислиме истовремено на овие два аспекта. Природата ни покажува дека живите и разно­видни системи се попродуктивни, поотпорни и поздрави од еднообразните. Токму оваа вистина можеме да ја поддржиме и искористиме со на­шата човечка креативност , на корисен начин во сите животни области. Ефективноста мора да има предност пред ефикасноста , зашто само кај производи и процеси кои имаат позитивно влијание, оптимизацијата има некаква смисла. 10