2.5 Што имаат заедничко заштитата на климата и приспособувањето кон климатските промени со„Лулка до лулка“? Менаџерите за климатска заштита и климатска адаптација во општините или оние кои рако­водат со секторите каде се вметнати овие теми, како што кажува и самото име, се занимаваат главно со прашања поврзани со заштитата на климата, прилагодувањето кон климатските промени и одржливоста . Токму како C2C , овие теми се меѓусекторски и имаат многу допир­ни точки. Заштитата на климата и односот кон ресурсите се взаемно поврзани и меѓусебно зависни . Како можат менаџерите за климатска заштита или за климатска адаптација конкрет­но да го интегрираат C2C во својата секојдневна работа? Во прилог се неколку точки за поврзу­вање: • Мерките за климатска заштита и климат­ска адаптација се однесуваат на области како што се: градежништво и реновирање , градска мобилност , енергетска транзиција во греењето , обновливи извори на енер­гија . Во сите овие области постојат C2C решенија кои носат додадена вредност и придонесуваат и кон климатска заштита и кон поинакво, поодговорно управување со ресурсите . • Климатската заштита , климатската адапта­ција и C2C на општинско ниво имаат иста крајна цел: создавање отпорни, здрави и квалитетни средини за живеење . • За таа цел, овие менаџери треба да сорабо­туваат со други сектори и служби во општинската администрација . Холистички­от пристап на C2C може да помогне полесно да ги разбирање на предизвиците на дру­гите одделенија и да даде основа за разви­вање на заеднички, односно интегрирани решенија . • Соработката меѓу сектори не е секогаш лесна. Понекогаш има судири на интереси или недостаток на ресурси , што може да ја отежне работата. Но, C2C повикува на заед­ничко делување и нуди конкретни реше­нија за проблемите , наместо едноставно зборување за нив. • C2C е инспиративен и мотивирачки! Кла­сичните одржливи стратегии често се фоку­сираат на ограничување и одрекување . Со C2C, луѓето со своите навики и начин на делување не се гледаат како закана , туку како потенцијални создавачи на позитив­на вредност . Овој позитивен пристап може да помогне во мотивирање и придоби­вање на колегите за нивно вклучување во процесот на трансформација . 13