Заштитени добра, заштита на природата и животната средина 5.1 Разбирање на колегите 5.1.1 Што ги засега вработените во секторите за животна средина, агенциите за заштита на природата и здруженијата за заштита на водите и почвата? Секторите задолжени за животна средина во една општина имаат голем број задачи: тие про­гласуваат заштитени предели, се грижат за заштитата на посебно заштитени биотопи и видови, издаваат дозволи во согласност со зако­ните за заштита на природата, и учествуваат во процедури за проценка на влијанието врз животната средина. Покрај тоа, тие се вклучени во сите постапки за издавање дозволи за градежни објекти и проекти во природни пре­дели, со цел да се дефинираат мерки за надоме­стување на интервенциите во природниот баланс . 31 Но, исто така, меѓу задачите на еколош­ките служби спаѓаат и одржувањето и уреду­вањето на водотеците, заштитата и чистотата на водните тела, одводнувањето и наводнувањето на земјиштата, како и одржувањето на брани, акумулации и објекти за водоснабдување. 5.1.2 Предизвици за секторите за заштита на животната средина • Меѓусебно влијание на заштитените добра: при зачувувањето на различните заштитени добра може да дојде до судир на интереси(на пр.: ветерните турбини придо­несуваат за заштита на климата, но можат да имаат влијание врз пејзажот и биолошката разновидност). • Судири на интереси со други општински сектори: во соработката со други општински сектори, исто така може да дојде до судири на интереси(на пример: фотонапонските инсталации кои придонесуваат за заштита на климата , можат да бидат во конфликт со заштитата на културното наследство , зашти­тата на пределот или земјоделието). 5.2 Зошто C2C е убедливо значаен овде­? C2C производите се составени исклучиво од по­зитивно дефинирани материјали и не содржат никакви штетни материи. На тој начин, тие при­донесуваат за здравјето на луѓето, но исто така и за здравa и чистa животна средина. 31 https://um.baden-wuerttemberg.de/de/umwelt-natur/naturschutz/ naturschutzverwaltung-wer-macht-was/ 36