5.2.1 Здравје C2C производите се составени исклучиво од по­зитивно дефинирани материјали и не содржат никакви штетни материи. На тој начин, тие при­донесуваат за здравјето на луѓето, но исто така и за здравa и чистa животна средина. 5.2.2 Биодиверзитет Преку решенија базирани на C2C кои се ин­спирирани од природата, може да се унапреди биодиверзитетот со неговата целокупна раз­новидност . Зелените фасади, на пример, можат да придонесат за зачувување и унапредување на биодиверзитетот. 5.2.3 Климата и воздухот Преку соодветно управување со стакленички гасови кои влијаат врз климата, при производ­ството на C2C-производи се овозможува пози­тивно влијание и врз квалитетот на воздухот. Дополнително, C2C-производите не го загадува­ат воздухот при нивната употреба бидејќи нема­ат штетни испарувања . Напротив, тие дури и го прочистуваат воздухот и придонесуваат за негов подобар квалитет, на пример , преку теписи што врзуваат прашина или фасади со зеленило што го прочистуваат воздухот. 5.2.4 Земјоделството и почвите Земјоделството во својата традиционална фор­ма ги исцрпува почвите и ја оптоварува жи­вотната средина, како и климата преку емисии на стакленички гасови и употреба на штетни хемикалии. Регенеративното земјоделство, ин­спирирано од C2C, придонесува за создавање на здрава почва , го зајакнува екосистемот и овозможува задржување на вредни ресурси во затворен круг, како што е фосфорот . 32 32 https://c2c.ngo/c2c-als-durstloescher/(Пристапено на 27.7.2023 г.) 37