Образование и култура 6. Образование и култура 6.1 Образование " „Училиштето треба да биде место кое може слободно да се посетува, без наметнати ограничувања, со природнo окружување. Темата на циркуларноста мора да биде вградена во образовните процеси.“ – Јохем Шнајдер, основач и сопственик на архитектонското биро Bueroschneidermeyer, на C2C Конгресот на 4.11.2021 г.36 Зошто ни е потребен C2C во формалното и не­формалното образование? Само оној што ги разбира поврзаностите меѓу економските процеси и нивните еколошки и социјални последици, може да ги трансфор ­мира. Тоа разбирање мора да се овозможи на сите образовни нивоа . За иднината базирана на C2C потребни ни се архитекти за кои единствен прифатлив пристап е циркуларно и здраво градење; земјоделци кои се потпираат исклучиво на регенеративно земјоделство; инженери и научници кои разви­ваат и применуваат C2C-технологии, машини и процеси во сите сектори; лидери кои дејствуваат со вистински начин на размислување; политича­ри кои создаваат соодветни рамковни услови за овие индустрии . За да се одговори на овие идни потреби, потребна е сеопфатна и целна обра­зовна работа за да се вгради C2С во образовни­от систем – насекаде. Со начин на размислување што наместо кон„помалку лоши“ тежнее кон добри решенија, поттикнувајќи креативност, со­работка и сеопфатно размислување како дизај­нерски концепт што претставува основа за сите производи и процеси кои ни се потребни, може­ме да изградиме општество засновано на C2C. 6.1.1 Разбирање на колегите ШТО ГИ ЗАСЕГА СEКТОРИТЕ ЗА ФОРМАЛНО И НЕФОРМАЛНО ОБРАЗОВАНИЕ ПРИ ОПШТИНИТЕ? Секторите за образование се занимаваат со ши­рок спектар на задачи. Тие се одговорни за учи­лиштата и установите за грижа за деца, но и за библиотеките, младите, социјалните прашања, демократијата и поддршката на волонтерството . 36 https://preview.mailerlite.com/t3l7z4 44