7.1.1 Разбирање на колегите ШТО ГИ ЗАСЕГА ИНСТИТУЦИИТЕ ЗАДОЛЖЕНИ ЗА ЕКОНОМСКИ РАЗВОЈ? • Јакнење на структурно послабите региони , • Создавање нови(инфраструктурни) систе­ми за пренос на знаење, технологии и иновации , • Јакнење на регионалниот иновациски и стартап екосистем , • Одржлив регионален развој преку под­дршка на одржливи индустриски зони , локални ресурси и соработки . ПРЕДИЗВИЦИ СО КОИ СЕ СООЧУВААТ ИНСТИТУЦИИТЕ ЗАДОЛЖЕНИ ЗА ЕКОНОМСКИ РАЗВОЈ • Проширување на надлежности и задачи, додека истовремено се зголемува недости­гот на персонал , • Иселување на граѓани и компании од рурални кон урбани подрачја , • Послаба почетна позиција заради послаба инфраструктура , • Недостаток на инфраструктура . 7.1.2 Зошто C2C е убедливо значаен овде? Со следниве аргументи за важноста на С2С може да се убедат претставниците на институциите и секторите за економски развој во општините: C2C ПОТТИКНУВА ИНОВАЦИИ C2C е позитивен и решенски ориентиран при­стап што ги стимулира иновациите. Општините што активно го поддржуваат C2C стануваат атрактивни за иновативни компании и старта­пи. Новите бизнис-модели според C2C отвораат нови полиња за економска активност, и за општините и за деловниот сектор. C2C СОЗДАВА ДОДАДЕНА ВРЕДНОСТ C2C-проектите носат економска корист : кај градежни проекти според C2C, иако почетните инвестиции можат да бидат повисоки, тие се исплаќаатпреку повисока пазарна вредност и долговечност на објектот; здрави објекти и ма­теријали придонесуваат за здравјето и продук­тивноста на вработените што влијае позитивно на рејтингот и можностите за финансирање на проектите . C2C ГИ ПРАВИ ОПШТИНИТЕ ПРИВЛЕЧНИ ЗА ЖИВЕЕЊЕ Со здрави училишта, јавни згради и домови, добро развиен јавен превоз и зелени урбани површини, општините што го применуваат C2C , стануваат привлечни места за живеење и при­влекуваат нови жители. ОБЕДИНУВАЊЕ НА РЕСУРСИ Сеопфатниот пристап на C2C ги обединува раз­личните засегнати страни: локални економски актери, стартапи, политички одлучувачи, но и волонтери и други претставници на граѓанското општество. На тој начин, и покрај недостатокот на кадар во општините, може да се постигне многу преку заедничка акција и размена на зна­ење. 55