142 ГЛАВА 4 ДЕМОКРАТИJА Б – христијани и В – христијани. Доколку постојат расцепи што се вкрстуваат, сегментите чувствуваат повеќе кохезивни сили меѓу нив, што ја засилува нивната меѓусебна соработка и го олеснува по ­стигнувањето консензус. Покрај овие фактори, постоењето на надворешна опасност и зака ­на може да ги обедини сегментите и да го зголеми потенцијалот за соработка меѓу нив. Исто така, битно е и постоењето на одреден степен на економско-социјална еднаквост. Ако е различна економ ­ската моќ на сегментите, потешко ќе биде нивното учество во по ­делбата на власта. 4.4.  ДИЛЕМИ НА КОНСОЦИЈАЛНАТА ДЕМОКРАТИЈА Консоцијалната демократија може да постои доколку мнозинството прифаќа дека малцинството мора да има активна улога во политички ­от живот на државата, но и доколку малцинството има желба подел ­бите да се надминат, а не да се зголемат. Добра институционална рам ­ка за воспоставување на консоцијална демократија се парламентар ­ните системи со пропорционален изборен модел, како и општествата со географски концентрирани сегменти, односно федерални систе ­ми. Воспоставувајќи се во сегментарни(поделени) општества, во при ­родата на консоцијалната демократијата не е да ги укинува и ослабу ­ва поделбите, туку да го признава постоењето на сегментите и да ги претвори во активни чинители во политичкиот живот. На консоцијалната демократија ѝ се упатуваат бројни забелешки и критики. 1. На консоцијалната демократија ѝ се забележува дека е недовол ­но демократична и тоа заради неколку причини: ■ Во консоцијалната демократија сегментот ја апсорбира инди ­видуата и користејќи ги правата на групата се поставува меѓу поединецот и власта и со својата хомогеност врши притисок врз поединците. Значи, се јавува проблем со слободата и ед ­наквоста на поединците, бидејќи консоцијалната демокра ­тија повеќе се интересира за еднаквоста на групите, отколку на поединците. ■ Во консоцијалната демократија постои релативно слаба и мала опозиција или таа воопшто не постои. ■ Во консоцијалната демократија партиските лидери ги зазе ­маат клучните координативни улоги, заради што се смета