168 ГЛАВА 5 НЕДЕМОКРАТСКИ СИСТЕМИ Примери на персонализирани авторитарни режими: • Ирак, Садам Хусеин; • Шпанија, Франциско Франко; • Либија, Муамер Гадафи; • Уганда, Милтон Оботе КЛУЧНИ ПОЕНТИ Во воените режими армиската елита преку воен удар ја презема и ја контролира власта. 3.3.  ВОЕНИ РЕЖИМИ Воените режими како тип на авторитарни режими настапуваат во состојба кога војската спроведува воен удар, ги симнува од власт цивилните власти и ја презема политичката власт во свои раце. Практично, воените режими се дефинираат како системи во кои ви ­соки армиски лица ја контролираат власта, одредуваат кој ќе упра ­вува со државата и имаат влијание врз политиката. 51 Станува збор за режими во кои армиската елита ја контролира политичката моќ. Тоа говори дека не е доволно само лидерот на режимот да биде дел од армијата, туку за да се воспостави воен режим потребно е и ре ­жимската елита да се поврзува со војската. Притоа, организацијата на воените режими има тенденција да ја одразува организацијата на самата војска, односно имајќи предвид дека армиите се каракте ­ризираат со цврста кохезивна и дисциплинирана организација, сосема за очекување е дека и воените режими ќе имаат јасна и цврста хиерар ­хиска структура. 52 Имајќи предвид дека војската не е симбол за слобо ­да, туку многу повеќе за дисциплина и репресија, тогаш сосема очеку ­вано е и воените режими да бидат прилично репресивни и брутални. Токму затоа по спроведување на воениот удар на воспоставувањето на воениот режим му следува суспендирање на уставот, а институциите преку кои опозицијата може да делува, како парламентот и слобода ­та на медиумите, се потиснуваат или, пак, целосно се укинуваат. 53 Во таа насока, воените режими во својата чиста форма не дозволува ­ат постоење на политички партии и опозиција. 54 Меѓутоа, треба да се има предвид дека и меѓу воените режими постои голема разноликост. 51  Genna and Hiroi, Exploring Politics[A Concise Introduction], 131. 52  Ezrow and Frantz, Dictators and Dictatorships Understanding Authoritarian Regimes and Their Leaders, 167. 53  Heywood, Politics – Fifth Edition, 127. 54  Van den Bosch,„Personalism: A type or characteristic of authoritarian regimes?“ 24.