384 ГЛАВА 10 ИЗБОРИ И ИЗБОРНИ СИСТЕМИ Во таа насока, може да се заклучи дека мнозинските изборни мо ­дели се преферираат заради обезбедување на стабилни политички институции, елиминирање на радикални политики и обезбедување на отчетни, одговорни и посветени претставници. КЛУЧНИ ПОЕНТИ Слабостите на мнозинскиот из­борен модел се поврзуваат со: клиентелизам, застапување на парцијалните (локалните) ин­тереси на своите избирачи, голем број на пропадна­ти/изгубени гла­сови, опасност од gerrymandering (џеримандеринг), создавање на ре­гионални феуди, креирање на не­реална слика за расположението на граѓаните, создавање на нерепрезентатив­ни парламенти, како и необезбе­дување на фер шанса за сите по­литички партии. 3.5.  СЛАБОСТИ НА МНОЗИНСКИТЕ ИЗБОРНИ МОДЕЛИ Често, во политичката наука може да се сретне ставот дека предно ­стите на еден изборен модел, воедно, се и негова слабост. Прво, критичарите на мнозинските изборни модели ги критикува ­ат ваквите модели сметајќи дека придонесуваат кон создавање на премногу стабилни влади . Таквите премногу стабилни влади мно ­гу лесно може да станат неодговорни влади имајќи предвид дека во ваквите системи законодавната власт често е подредена на из ­вршната власт. Тоа е така бидејќи сите пратеници кои го креираат парламентарното мнозинство, воедно, припаѓаат на партијата која е на власт. 69 Затоа, при примена на мнозинските изборни модели се губи чувството дека законодавната власт ја контролира работата на извршната власт, а дополнително, многу ретко доаѓа до изгласу ­вање на недоверба на владите бидејќи, за да биде изгласана таква недоверба, потребно е за неа да гласаат и пратеници кои потекнува ­ат од партијата која е на власт. Второ, обично мнозинските изборни модели придонесуваат кон подем на клиентелизам, патронажна политика, нудење услуги, поткупи и други коруптивни дејства . Тоа што овие изборни моде ­ли се применуваат во едномандатни изборни единици, кога и еден глас може да биде клучен за победа и можноста за непосреден кон ­такт меѓу избирачите и кандидатите, придонесуваат кандидатите при нивната изборна кампања да се впуштат во вакви дејства со цел да придобијат повеќе гласови. 70 69 Heywood, Politics – Fifth Edition, 410. 70 Pippa Norris,„Electoral Systems and Electoral Integrity“, in The Oxford Handbook of Electoral Systems, ed. Erik S. Herron, Robert J. Pekkanen and Matthew S. Shugart(Oxford: Oxford University Press, 2018), 500.