418 ГЛАВА 10 ИЗБОРИ И ИЗБОРНИ СИСТЕМИ КЛУЧНИ ПОЕНТИ Како мешовити изборни модели може да се срет­нат паралелниот изборен модел и моделот со персонализирана пропорционал­ност. за користење на предностите и на мнозинските и на пропорционал ­ните изборни модели. Но, одредени теоретичари сметаат дека при примената на ваквите изборни модели покрај предностите, можат да дојдат до израз, односно да произлезат, и слабостите на двата модела. Покрај тоа, мешовитите изборни модели се критикуваат бидејќи може да ја нарушат кохезијата на партиските претставници во претставничките тела. Тоа е така бидејќи овие изборни модели придонесуваат за создавање на две групи или типови на претстав ­ници, односно претставници поврзани со интересите на изборните единици(првиот глас) и претставници кои се повеќе поврзани со интересите на политичките партии(вториот глас). При анализа на мешовитите изборни модели треба да се има пред ­вид дека постојат различни мешовити модели во зависност од тоа дали при пресметување на резултатите постои поврзаност на пр ­виот и вториот глас. Според тоа, кај мешовитите модели може да се забележи: ■ Модел со персонализирана пропорционалност(Mixed Member Proportional – MMP); ■ Паралелен систем. 7.1.  СО ПЕРСОНАЛИЗИРАНА ПРОПОРЦИОНАЛНОСТ(MIXED MEMBER PROPORTIONAL – MMP) Ваквите изборни модели најмногу се поврзуваат со Германија, би ­дејќи токму во оваа држава за првпат се забележува нивната при ­мена. Станува збор за изборен модел кој преку првиот глас овозмо ­жува гласање за личност, додека, пак, преку вториот глас, односно преку гласањето за партиската листа составена од повеќе кандида ­ти, овозможува компензирање на непропорционалноста на резул ­татите која може да произлезе од гласањето со првиот глас. 132 132 Andrew Reynolds I Ben Reilly, International IDEA Priručnik: Oblikovanje Izbornog Sistema(Sarajevo: Rabic, 1999), 74.