Ky punim analizon arritjet dhe sfidat me të cilat përballet Procesi i Berlinit, i cili u prezantua si një platformë gjithëpërfshirëse e bashkëpunimit rajonal me synim përparimin e vendeve të rajonit drejt BE-së. Gjithashtu, punimi trajton rolin që ky proces ka luajtur në rritjen e bashkëpunimit rajonal, sikundër evidenton sfidat kryesore me të cilat përballet marrëdhënia ndërmjet BE-së dhe Ballkanit Perëndimor. Në kushtet e reja të sigurisë në kontinent si pasojë e agresionit të Rusisë mbi Ukrainën, punimi shoqërohet me rekomandime që synojnë konsolidimin e projektit europian përmes një ndërlidhjeje më të mirë të Procesit të Berlinit dhe procesit të integrimit europian për vendet e Ballkanit Perëndimor.