Ֆրիդրիխ էբերտ հիմնադրամի ջանքերով գերմաներենից հայերեն է թարգմանվել Գերմանիայի Բունդեսթագում Սոցիալ-դեմոկրատական կուսակցության (ԳՍԴԿ) խմբակցության կառավարիչ, դոկտոր Միխաել Շեֆերի վերլուծական աշխատանքը՝ «Ուժի կենտրոն և կարգավորման գործոն։ Խորհրդարանական խմբակցությունների գործառույթը, կառուցվածքը և աշխատաձևը՝ Գերմանիայի Բունդեսթագի օրինակով» վերտառությամբ։ Վերլուծական աշխատանքում դր․ Շեֆերը քննարկում է խմբակցությունների իրավական կարգավիճակը, դրանց ֆինանսավորման, իշխանական և ընդդիմադիր խմբակցությունների միջև կապի և համագործակցության հարցերը։
ՖԷՀ-ը խիստ կարևորում է խորհրդարանական մշակույթի զարգացումը Հայաստանում, ուստի հուսով ենք՝ խորհրդարանական խմբակցությունների գործառույթների ու դրանց աշխատանքը կարգավորող մեխանիզմների վերաբերյալ գերմանական փորձի նկարագրությունն ու վերլուծությունը օգտակար կլինի հայաստանյան խորհրդարանական համակարգի զարգացման և դրա աշխատանքի արդյունավետության բարձրացման նոր մեխանիզմների մշակման հարցում: