Siguria ekonomike Për të marrë njohuri mbi opinionet për sigurinë ekonomike, të anketuarve iu drejtuan pyetje në lidhje me sigurinë dhe stabilitetin e perceptuar të të ardhurave të tyre personale dhe familjare në të tashmen dhe në një të ardhme të parashikuar prej tyre, sigurinë e tyre për akses në punësim në të tashmen dhe në të ardhmen dhe opinionin e tyre për gjendjen e ekonomisë shqiptare. Në total, 20 pyetje iu dedikuan sigurisë ekonomike. Grupi i mëposhtëm prej shtatë pyetjesh fokusohet në marrjen e ndjenjës së sigurisë në drejtim të të ardhurave personale dhe të familjes:“Si do ta gjykoni situatën aktuale financiare të shtëpisë/familjes suaj?”,“Si prisni të jenë financat e familjes suaj në 1 deri 2 vitet e ardhshme, krahasuar me sot?”,“Gjendja financiare e shtëpisë/familjes suaj është më e mirë apo më e keqe se 12 muaj më parë?”,“Në 3-5 vitet e ardhshme, a mendoni se gjendja financiare e shtëpisë/familjes suaj do të jetë më e mirë apo më keqe se sot?”,“Sa i shqetësuar jeni që në 3-5 vitet e ardhshme nuk do të jeni aq të sigurtë financiarisht?”,“Sa i shqetësuar jeni që në moshë të avancuar mund të mos jeni financiarisht të sigurt?”,“Sa jeni të shqetësuar që mund të mos jeni në gjendje të gjeni një banesë të përshtatshme apo të mbani atë që keni?”. Për sa i përket situatës financiare aktuale, të anketuarit janë mjaft të ndarë. 35.7% mendojnë se situata financiare aktuale e familjes së tyre është e mirë ose shumë e mirë, ndërsa 22.4% mendojnë se është e keqe ose shumë e keqe. 42% mendojnë se nuk është as e mirë as e keqe. Dallime evidentohen përsa i përket nivelit të arsimimit. 36.3% e të anketuarve me arsim universitar mendojnë se situata financiare aktuale e familjes së tyre është e mirë ose shumë e mirë kundrejt 20.7% të atyre pa arsim universitar që mendojnë të njëjtën gjë. Si e vlerësoni situatën financiare aktuale të familjes suaj? 42.0 33.6 18.7 2.1 3.7 Shumë e mirë E mirë As mire as keq E Keqe Grafik 33. Situata financiare aktuale në familje Shumë e keqe 46