Siguria ushqimore Sipas OKB-së, siguria ushqimore të thotë që njerëzit të kenë akses fizik dhe ekonomik në ushqimin bazë. Pyetjet u hartuan për të marrë informacion dhe mendim nga qytetarët për aksesin në ushqim në aspektin sasior dhe cilësor përmes një grupi prej gjashtë pyetjesh.“Në 12 muajt e fundit, a keni zvogëluar apo anashkaluar ndonjëherë ju dhe familja juaj sasinë e vakteve tuaja, sepse nuk kishit para të mjaftueshme për të blerë ushqim?”,“Në 12 muajt e fundit, a jeni shqetësuar ju dhe familja juaj që ushqimi do të mbaronte para se të merrnit para për ta blerë përsëri?”,“Në 12 muajt e fundit, a mund të përballonte familja juaj të blinte llojet e ushqimeve që dëshironit të hanit?”,“Në 12 muajt e ardhshëm, a jeni ju dhe familja juaj më pak apo jeni më të shqetësuar për plotësimin e nevojave tuaja ushqimore?”,“A mendoni se kontrollet e sigurisë ushqimore nga institucionet shtetërore janë të duhura?”, A mendoni se produktet ushqimore në tregjet e Shqipërisë janë të sigurta dhe të padëmshme për shëndetin?”. Sa i përket aksesit në ushqim, shumica prej 63.5% e të anketuarve thonë se nuk kanë qenë të detyruar të zvogëlojnë sasinë e ushqimit për shkak të mungesës së aksesit ekonomik apo fizik. Për një të tretën e të anketuarve një akses i tillë ka qenë sfidë dhe 13.8% thonë se u është dashur të reduktojnë marrjen e ushqimit gjatë vitit të kaluar. 11.9% u është dashur ta bëjnë këtë për disa muaj dhe 10.6% të tjerë për një ose dy muaj. Vërehen dallime në aspektin e aksesit në ushqim bazuar në nivelin arsimor të të anketuarve. Nga të anketuarit me arsim universitar, 20.3% thonë se janë përballur me sfida për të siguruar ushqim për familjet e tyre, ndërsa 44.3% e atyre pa arsim universitar janë përballur me sfida të tilla. Diferencë më e vogël vërehet mes grupmoshave nga 50 vjeç e lart, 30.7% e të cilëve përgjigjen se janë përballur me sfida të tilla kundrejt 21.5% të moshës nga 18 deri në 49 vjeç. Në 12 muajt e fundit, ju ose të rritur të tjerë në shtëpinë/familjen tuaj, a e keni zvogëluar ndonjëherë sasinë e ushqimit apo keni lënë vakt pa ngrënë, ngaqë nuk kishit mjaftueshëm para për ushqim? 63.5 13.8 11.9 10.6 Po, çdo muaj Po, disa muaj Po, vetëm 1 ose 2 Jo muaj 0.2 S’e di Grafik 57. Aksesi në ushqim për familjet gjatë vitit të kaluar 62