12 западноевропски земји, денес таа се однесува на над 700 милиони луѓе, во 46 европски земји. 3 1. Структура и заштитени права Европската конвенција за човекови права заштитува претежно граѓански и политички права. Нејзината структура се состои од три дела. Во рамки на првиот дел е поместен каталогот на основните права и слободи, за кои државите-потписнички се обврзале дека ќе обезбедат заштита. Заштитените права се однесуваат на: a. Физичкиот интегритет и достоинство на секој човек(право на живот, член 2; забрана за мачење, член 3; забрана за ропство, член 4; право на слобода и безбедност, член 5); б. Законита и правична судска постапка(право на правично судење, член 6; забрана за ретроактивно кривично законодавство, член 7; право на ефективен правен лек, член 13); в. Заштита на личниот живот(право на почитување на приватниот и семејниот живот, член 8; слобода на мисла, совест и вера, член 9; право на брак, член 12; забрана за дис­криминација, член 14); г. Заштита на комуникацијата и учеството во општеството(слобода на изразување, член 10; слобода на собирање и здружување, член 11). Освен претходно наведените права, дополнителни права се заштитени преку разни про­токоли кои биле додадени кон Конвенцијата подоцна како резултат на консензусот по­стигнат меѓу државите договорни страни, во однос на заштитата на одредени права. На овој начин е овозможена заштита на следните права: a. Право на сопственост, право на образование, право на слободни избори(Протокол 1); б. Забрана за затворање поради долг, слобода на движење, право на државјанинот да не биде протеран и на влез во државата, забрана за колективно протерување странци (Протокол 4); в. Аболиција на смртната казна(Протокол 6); г. Процедурална заштита во однос на протерување странци, право на жалба во кривична постапка, право на компензација за грешки на правдата, ne bis in idem , еднаквост меѓу сопружниците(Протокол 7); д. Генерална забрана за дискриминација(Протокол 12); ѓ. Аболиција на смртната казна во сите околности(Протокол 13). Претходно наведените протоколи, кои додаваат дополнителни права кон Конвенцијата, се задолжителни за државите коишто ги ратификувале. Останатите протоколи содржат одред­би коишто го менуваат контролниот механизам на Конвенцијата. 3  Harris, David J., О’Boyle, Michael., Bates, Ed P., and Buckley, Carla M., Harris, O’Boyle& Warbrick: Law of the European Convention on Human Rights , Fifth Edition, Oxford University Press, 2023, p. 4. I. ЕВРОПСКАТА КОНВЕНЦИЈА ЗА ЧОВЕКОВИ ПРАВА ВО КОНТЕКСТ 13