II. СТРАЗБУРШКИТЕ КОНТРОЛНИ МЕХАНИЗМИ 1.  Европски суд за човекови права 1.1.  Организација Европскиот суд за човекови права е меѓународен суд воспоставен во рамките на Советот на Европа. Негова најзначајна карактеристика е надлежноста да разгледува жалби подне­сени од страна на поединци во врска со наводни повреди на правата заштитени со Европ­ската конвенција за човекови права и нејзините протоколи, предизвикани од страна на држави кои се членки на Конвенцијата. 137 Тој е прв меѓународен трибунал воспоставен за да решава спорови меѓу поединци и држави. 138 Формирањето на суд чија основна задача се состои во тоа да ги штити поединците од повреди на човековите права претставува иновативна карактеристика за една меѓународна конвенција за човекови права бидејќи му дава на поединецот активна улога на меѓународната сцена. Имено, традиционално, само државите и меѓународните организации се сметаат за актери на меѓународната сце­на, односно во меѓународното право. 139 Освен жалби поднесени од страна на поединци против држави-членки на ЕКЧП, Судот може да разгледува и жалби поднесени од страна на држави-членки на ЕКЧП против други држави-членки на ЕКЧП. Како меѓународен суд во рамки на Советот на Европа, ЕСЧП е воспоставен на 21 јануари 1959 година од страна на тогашните 15 држави-членки на СЕ. Истовремено, од страна на тогашното Консултативно собрание на СЕ биле избрани и неговите први членови. 140 Ос­нова за воспоставување на Судот од тогашните држави-членки на СЕ претставува членот 19 од ЕКЧП, според кој„со цел да се обезбеди почитување на обврските кои за високите договорни страни произлегуваат од оваа Конвенција и нејзините протоколи, ќе се основа Европски суд за човекови права.“ 137  European Court of Human Rights, Annual Report 2011 of the European Court of Human Rights , Council of Europe, Strasbourg, 2012, p. 1, 17; Харис, Дејвид Ј., О’Бојл, Мајкл, Бејтс, Ед П., Бакли, Карла М., Харис, О’Бојл& Варбрик: Право на Европската конвенција за човекови права,[превод: Билјана Ванковска], Второ издание, Просветно дело, Скопје, 2009, стр. 819. 138  Costa, supra note 39, p. 455. 139  Фрчкоски, Љубомир Д., Тупурковски, Васил и Ортаковски, Владимир, Меѓународно јавно право, Табернакул, Скопје, 1995, стр. 51; Sardaro, Pietro, The Right of Individual Petition to the European Court, in Protocol 14 and the Reform of the European Court of Hu­man Rights(Paul Lemmens and Wouter Vandenhole,eds.), Intersentia, Antwerpen – Oxford, 2005, p. 47. 140  Jackson, Donald W., The United Kingdom Confronts the European Convention on Human Rights , University Press of Florida, Gaines­ville/Tallahassee/Tampa/Boca Raton/Pensacola/Orlando/Miami/Jacksonville, 1997, p. 1. Критериумите за допуштеност според Европската конвенција за 38 човекови права и македонските предмети пред Судот во Стразбур