Во оваа смисла, стручната служба на Судот: ги администрира предметите, ја подготвува преписката во врска со предметите и изготвува нацрт-одлуки наменети за разгледување од страна на судијата известител или судијата поединец. 165 1.2.  Состав Судот е составен од онолку судии колку што има држави-членки на Советот на Европа. 166 167 Судиите треба да уживаат највисок морален углед и да ги исполнуваат условите неопход­ни за вршење на највисоките судиски функции или да бидат признати правни стручњаци, со призната компетентност. 168 Судиите ја извршуваат својата судиска функција во лично својство, 169 односно тие не ја претставуваат државата чии државјани се. Во текот на нив­ниот мандат судиите не можат да вршат никаква активност што е неспоива со барањата за независност, непристрасност или со барањата за работа со полно работно време. 170 Судиите ги избира Парламентарното собрание на СE, одделно за секоја држава-членка, од листата на тројца кандидати именувани од засегнатата држава-членка. 171 Притоа, во согласност со измените внесени со Протоколот 15, кандидатите треба да имаат помалку од 65 години на датумот на кој листата од тројца кандидати била побарана од Парламен­тарното собрание. 172 Нивниот мандат изнесува девет години, во согласност со измените внесени со Протоколот 14, со цел да се зацврсти нивната независност и непристрасност. Тие не може да бидат повторно избрани 173 . Во согласност со претходниот систем, судиите се избирани за време од шест години, со право на реизбор, додека мандатот на половина од вкупниот број на судии избрани при првиот избор ќе заврши по три години. Исто така, порано било предвидено судиите чиј мандат ќе заврши по третата година да бидат извле­чени со ждрепка од страна на Генералниот секретар на СЕ, веднаш по нивниот избор. 174 Дополнително, со влегувањето во сила на Протокол 15, избришана е одредбата што пред­видуваше дека мандатот на судиите им завршува со наполнети 70 години возраст. Протоколот 14, исто така, го ревидира и системот за назначување на ad hoc судии во суд­ски совет или во Големиот судски совет, во случај кога судијата кој е избран во однос на засегнатата држава и овластен да учествува како ex officio член на судскиот совет или на Големиот судски совет, не е во можност да учествува во работата или кога таков судија во­општо не постои. Во согласност со претходниот систем, засегнатата држава може да избе­ре ad hoc судија откако постапката ќе биде започната. Овој начин на избор на ad hoc судија бил многу критикуван, особено од страна на Парламентарното собрание на СЕ бидејќи не е во согласност со основните стандарди за судска независност и непристрасност. Во врска 165  European Court of Human Rights, Annual Report 2011 of the European Court of Human Rights , Council of Europe, Strasbourg, 2012, p. 19-20; Leach, Philip, Taking a Case to the European Court of Human Rights , Fourth Edition, Oxford University Press, Oxford, 2017, p. 29. 166  Член 20 од Европската конвенција за човекови права. 167  Во времето на пишување на оваа публикација, Судот е составен од 46 судии. 168  Член 21(1) од Европската конвенција за човекови права. 169  Член 21(3) од Европската конвенција за човекови права. 170  Член 21(4) од Европската конвенција за човекови права. 171  Член 22 од Европската конвенција за човекови права. 172  Член 21(2) од Европската конвенција за човекови права. 173  Член 23(1) од Европската конвенција за човекови права. 174  European Court of Human Rights, Annual Report 2011 of the European Court of Human Rights , Council of Europe, Strasbourg, 2012, p. 15; McKaskle, Paul, the European Court of Human Rights: What It Is, How It Works, and Its Future , University of San Francisco Law Review, Vol. 40, 2005, p. 15-16. II.  СТРАЗБУРШКИТЕ КОНТРОЛНИ МЕХАНИЗМИ 43