Регионален развој и поддршка и структурна трансформација 7.2 Дигитализација " „За мене дигитализацијата е темелот за функционална циркуларна економија, бидејќи мора да знаеме што и каде се наоѓа. Само така размената на податоци може навистина да се искористи.“ Катрин Бахло, продукт-менаџерка во дигиталната платформа за материјали Madaster Germany на C2C Самитот„Staging the Future“ на 22.11.2022 г.52 Зошто дигитализацијата претставува можност за постигнување позитивни цели и за долгорочна трансформација на економскиот модел? Дигитализацијата не смее да биде цел сама по себе, туку основен предуслов за заштита на климата и ресурсите, затоа што само пре ­ку транспарентни дигитални процеси можат материјалните и енергетските текови на ниво на населба, град или држава да се прикажат, следат и анализираат. Циркуларната економија според C2C може да функционира само ако постојат детални ин­формации за сите производи, производствени процеси, синџири на снабдување и локации. Тоа овозможува планирање, транспарентност и за­творање на материјалните циклуси. Дигиталните процеси го олеснуваат еколошки и ресурсно-одговорното урбано и инфраструктур­но планирање. Тие вклучуваат с ѐ – од логистика и мобилност, до CO₂ и енергетски менаџмент, па сè до материјални бази на податоци. Затоа, при интегрирање на С2С во процесите на диги­тализација потребно е да се соберат конкрет­ни податоци се за: креирање на унифицирани еколошки извештаи, следење на напредокот во исполнувањето на климатските цели, ефикасна локална комуникација и евалуација на ефектите од преземените климатски мерки. 7.2.1 Разбирање на колегите ШТО ГИ ЗАСЕГА СЕКТОРИТЕ ЗА ДИГИТАЛИЗАЦИЈА ПРИ ОПШТИНИТЕ? Тие се одговорни за дигиталната трансфор­мација на општинската администрација како управување со ИТ, ИТ-оперативни процеси и поддршка, развој и одржување на дигитална ин­фраструктура, обука на административни служ­беници. ПРЕДИЗВИЦИ СО КОИ СЕ СООЧУВААТ СЕКТОРИТЕ ЗА ДИГИТАЛИЗАЦИЈА • Недостаток на дигитална инфраструктура , • Голем број некомпатибилни софтверски системи што оневозможуваат споредба на податоци , • Прашања за управување со податоци и заштита на лични податоци(Кој ги поседу­ва? Кој има пристап?) . 52 https://preview.mailerlite.com/x4m2p0f9t6 58