Arsimi është"lëndë e parë" më e rëndësishme e Kosovës Një politike e arsimit e përqendruar kah e ardhmja nuk mund të mbetet një faktor i izoluar në politikë dhe duhet të shihet si një detyrë publike prioritare . Politika e arsimit duhët të përmbushë një mori aspektesh dhe detyrash dhe veçanërisht në vende të tilla si Kosova është një element kyç për zhvillimin e mëtejshëm të vendit në një shtet të mirëqenies sociale të bazuar në modelin evropian . Prandaj, është e rëndësishme që të përdoren të gjitha burimet e vendit sa më efektivisht të jetë e mundur. Në masën e njejtë siç nga ekonomia kërkohen punëtorë të kualifikuar për të gjitha nivelet e tregut të punës , poashtu duhet të gjithë të rinjtë- varësisht prej talenteve dhe mundësive të tyre- të kenë mundësinë e integrimit në një treg pune funksional dhe efektiv. Një prioritizim i njëanshëm i disa drejtimeve dhe niveleve të caktuara arsimore, si dhe një ofertë arsimore gjithnjë e më e orientuar drejt ekonomisë private dhe të orientuar në përfitim, shpien pashmangshmërisht dhe qartazi drejtë defiçiteve të mëdha në tregun e punës. Pasojat janë nga njëra anë një papunësi shumë e lartë e të rinjve dhe pak shanse për një(ri) hyrje në tregun e punës për personat e moshuar të cilët kanë qenë të papunë, nga ana tjetër, një mungesë në rritje e fuqisë punëtore të kualifikuar - si në sektorët akademikë, poashtu edhe ata jo­akademikë të ekonomisë. Kësaj i shtohet ëdhe një hendek urbano-rural me rritje të vazhdueshme dhe me një tendencë migrimi të shtuar . Kësaj mund t'i kundërvihet vetëm përmes një koncepti integral , i cili kombinon përmbajtjen dhe ofertat e arsimit me nevojat aktuale dhe të ardhshme të një zhvillimi ekonomik të orientuar strategjikisht . Për këtë nevojitet një definim i ri i politikës së tregut të punës si një urë mes arsimit dhe ekonomisë, e cila në mënyrë proaktive përmes këshillimit kompetent profesional dhe me programe trajnimi të caktuara siguron që ofertat për kualifikime të përshtaten me nevojat e një ekonomie moderne. 3